Maqtaaral aýdanynda qoqys polıgony kesheli beri órtenip jatyr

Túrkistan oblysynyń Maqtaaral aýdanynda qoqys polıgony kesheli beri órtenip jatyr, dep habarlaıdy Kazinform.

Maqtaaral aýdanynda ornalasqan qoqys polıgonynda keshe tústen keıin órt shyqqan.

Órt sóndirýshiler jalyndy sóndirgenimen tútini áli basylmady.

Sodan jaqyn mańdaǵy aýyl turǵyndary tútinge tunshyǵyp otyr.

Jergilikti ákimdik qyzmetkerleriniń aıtýynsha qazirgi tańda 3 órt sóndirý kóligi, 20-ǵa jýyq adam jumyldyrylǵan.

Qosymsha tehnıka da jumys istep jatyr. Tipti elektrli nasos pen motopompa da jetkizilgen.