Maqtaaral aýdandyq polıtsııa bólimi bastyǵynyń orynbasary para berý kezinde ustaldy
Bul týraly oblystyq Polıtsııa departamentiniń baspasóz qyzmeti málimet berdi, dep habarlaıdy QazAqparat tilshisi.
Oblystyq Polıtsııa departamenti baspasóz qyzmetiniń habarlaýynsha, ishki ister qyzmetkerine qolhat arqyly bultartpaý sharasy qoldanylǵan.
«Túrkistan oblysy Polıtsııa departamentiniń Ózindik qaýipsizdik basqarmasy men Ulttyq qaýipsizdik komıteti departamentiniń qyzmetkerleri arnaıy is-sharalar júrgizý barysynda para berý ústinde Maqtaaral aýdandyq polıtsııa bólimi bastyǵynyń orynbasary ustaldy. Qazirgi kezde Túrkistan oblysy boıynsha Ulttyq qaýipsizdik komıteti departamenti sotqa deıingi tergeý amaldaryn júrgizýde. Al, Polıtsııa departamentiniń Ózindik qaýipsizdik basqarmasy tarapynan osy jáıtke baılanysty qyzmettik tergeý jalǵasyp jatyr», delingen habarlamada.