Maqta alqabynda júrgen 24 adam ýlanyp aýrýhanaǵa tústi

 ASTANA. QazAqparat - Ázerbaıjannyń Saatl aýdanynda maqta alqabynda jumys jasap júrip, hımııalyq zatpen ýlanǵan 20 adam aýrýhanadan shyǵaryldy, dep habarlaıdy QazAqparat Trend.az saıtyna silteme jasap.

«Keshe naýqastar taǵy da bir ret tekseristen ótti, jaǵdaılary qalypty bolǵandyqtan, úılerine jiberdik. Japa shekken tórt adam Bakýdyń klınıkasyna aýystyryldy, olardyń jaǵdaıyn jaqsy dep baǵalap otyrmyz», - dedi Saatl aýdandyq ortalyq aýrýhanasynyń bas dárigeri Adem Alıev.

10 maýsym kúni saǵat 19:30-da Saatl aýdandyq ortalyq aýrýhanasynda «hımııalyq ýlaný» dıagnozymen maqta alqabynda jumys jasaıtyn 24 adam túsken.

Ázerbaıjan prezıdenti Ilham Alıev bul isti jeke baqylaýyna aldy.

Atalmysh fakti boıynsha Bas prokýratoranyń Aýyr qylmystyq ister jónindegi tergeý basqarmasynda Ázerbaıjan Respýblıkasynyń QK-niń 249.2 (ósimdikter zııankesterine, ósimdik aýrýlaryn qozdyrǵyshtarǵa qarsy áreketke qatysty qoıylǵan erejelerdi buzý) jáne 314.2 (laýazymdy tulǵanyń óz mindetterin tıisti deńgeıde oryndamaý) baptaryna sáıkes, qylmystyq is qozǵaldy.