Maksım Spotkaı: Azattyq aspannan túsip, memleketimiz ózi qurylǵan joq

QR Parlamenti Senaty apparatynyń basshysy Maksım Spotkaı búgingi ulttyq merekeniń mańyzdylyǵyn túsindirip ótti, dep habarlaıdy Kazinform.

Onyń aıtýynsha, Memleket basshysy táýelsizdiktiń bastaýynda bolǵan memleket jáne qoǵam qaıratkerleriniń eren eńbekterine erekshe toqtaldy.

Senat apparaty basshysy ulttyq mereke – Respýblıka kúni qarsańyńda sóılegen sózinde Prezıdent azattyq jylnamasynda erekshe oryn alǵan qaıratkerlerdiń esimderin atady.

Olardyń qatarynda zań shyǵarý salasynda eseli eńbek etken Parlament depýtattary Salyq Zımanov, Seribolsyn Ábdildın, Zınaıda Fedotova, Erik Asanbaev, Ábish Kekilbaev, Sultan Sartaev, Aleksandr Knıagının, Senatorlar keńesiniń músheleri Qýanysh Sultanov pen Ómirbek Baıgeldi taǵy basqa.

«Azattyq bizge aspannan túsip, memleketimiz qur jerden qurylǵan joq. Táýelsizdiktiń bastaýynda ultyn súıgen otanshyl azamattardyń tabandy minezi men qajyr-qaıraty tur. Baıandy bolashaǵymyz úshin sol tulǵalardyń ómirinen úlgi alýymyz kerek. Biz - Turan dalasyndaǵy sonaý Kók túrki dáýirinen bergi memleketterdiń zańdy muragerimiz. Egemendigimizdi qyzǵyshtaı qorǵap, qýatty memleketimizdi odan ári damytý, barshamyzdyń qasterli paryzymyz», - dedi Maksım Spotkaı.