Maksım Sajnev Qazaqstannyń U20 rekordyn jańartyp, álem chempıonatynyń fınalyna shyqty
ASTANA. KAZINFORM – Qazaqstandyq dısk laqtyrýshy Maksım Sajnev AQSh-tyń ıÝdjın qalasynda ótip jatqan jeńil atletıkadan U20 álem chempıonatynda el rekordyn jańartyp, fınalǵa joldama aldy, dep habarlaıdy Ulttyq olımpıada komıteti.
Qazaqstan quramasy AQSh-tyń Oregon shtatyndaǵy ıÝdjın qalasynda ótip jatqan álem chempıonatyndaǵy básekesin jalǵastyryp jatyr.
Maksım Sajnev dısk laqtyrýdan irikteý kezeńinde 61,37 metr nátıje kórsetti. Bul kórsetkish Qazaqstannyń U20 sanatyndaǵy jańa rekordy boldy.
– Qazaqstandyq sportshy irikteý kezeńin altynshy orynmen aıaqtap, fınalǵa joldama aldy. Bul synda júldeler 9 tamyzda sarapqa salynady, – dep málimdedi Ulttyq olımpıada komıteti.
Aıta keteıik, sadaq atýdan Azııa oıyndaryna qatysatyn Qazaqstan quramasynyń tizimi jarııalandy.
