Maksım Sajnev Azııa oıyndarynda altyn medal jeńip aldy
ASTANA. KAZINFORM – Bahreınde ótken III jasóspirimder arasyndaǵy Azııa oıyndarynda erler arasyndaǵy dısk laqtyrý jarysynyń fınalynda Maksım Sajnev 63,23 metr nátıjemen altyn medal jeńip aldy.
Buǵan deıin shymkenttik sportshy U-18 sanatynda Qazaqstan rekordyn jańartyp, 38 jyl boıy jańalanbaǵan Vıktor Gorelyshevtyń jetistigin artta qaldyrǵan edi.
Sol kezde Maksım dıskini 59,71 metrge deıin laqtyryp, jańa ulttyq rekord ornatqan bolatyn.
Aıta ketelik Qazaqstandyq jeńil atlet jasóspirimder arasyndaǵy Azııa oıyndarynda úzdik úshtikke endi.
