Maksım Rakov Astanada dzıýdodan Gran-prı utyp aldy
ASTANA. QazAqparat - Qazaqstandyq balýan Maksım Rakov (100 kelige deıin) Astanada ótip jatqan dzıýdo dodasynyń gran-prıin utyp aldy.
Aqtyq synda jerlesimiz germanııalyq balýan Dmıtrıı Peterspen beldesti. Qarsylasynan basym túsken Maksım baıraqty básekeniń jeńimpazy atandy.
Rakovtyń bul júldesi Qazaqstan úshin óz elimizde ótkizgen Gran-prıdiń altynshy júldesi bolyp otyr. Buǵan deıin Eldos Smetov (60 kg deıin) altynnan alqa taqsa, Jansaı Smaǵulov (66 kg deıin) kúmis medaldi enshilegen. Sondaı-aq, Ashat Telmanov (60 kg deıin), Ázız Qalqamanuly (81 kg deıin) jáne Zarına Abrasýlovalar (78 kg-den joǵary) «qolamen» marapattalǵan.
