Maksım Golovkın GGG-diń jaǵdaıy týraly aıtty

LAS-VEGAS. QazAqparat - Qazaqstandyq boksshy Gennadıı Golovkınniń baýyry Maksım otandyq sportshynyń jankúıerlerine qoldaý kórsetkeni úshin alǵys aıtty, dep habarlaıdy QazAqparat Sports.kz-ke silteme jasap.

«Gennadııge jankúıerlik etip, ol úshin ýaıymdap, maǵan jáne oǵan jazyp jatqan jandardyń barlyǵyna alǵys aıtamyn. Onyń janynda bolǵandardyń barlyǵyna rahmet!!! Gennadıı arenaǵa qalaı basyn joǵary kóterip kirse, solaı shyqty.

Qaskúnemderdiń komandasy, tóreshiler nemese meksıkalyq merekeler Gennadıı men onyń óz-ózine degen senimin álsirete almaıdy. Biz úshin Gennadıı - chempıon. Ol basyn joǵary kóterip shyqty jáne ózin jeńildim dep eseptemeıdi!», - dep jazdy Maksım Golovkın Instagram paraqshasynda.

Eske salaıyq, Golovkın - «Kanelo» rematchy tóreshilerdiń sheshimimen meksıkalyqtyń paıdasyna (114-114, 115-113, 115-113) aıaqtaldy.