Maksım Bogatyrev Argentınada parakanoeden 2 dúrkin álem chempıony atandy
ASTANA. KAZINFORM — Argentınanyń Gýalegýaıchý qalasynda ótip jatqan baıdarka men kanoede eskek esý marafonynan jáne parakanoeden álem chempıonatynda Qazaqstan qorjynyna ekinshi altyn medal tústi. Bul týraly eskek esý sporty túrlerinen Ulttyq federatsııanyń baspasóz qyzmeti habarlaıdy.
Bul joly otandasymyz Maksım Bogatyrev para baıdarkadan KL1 sanatynda márege birinshi jetti. Ulttyq qurama sportshysynyń 8 shaqyrym 200 metr qashyqtyqtaǵy ýaqyt kórsetkishi 48 mınýt, 05.34 sekýnd. Kúmis júlde jarys qojaıyny Dıego Horheniń enshisinde.
Bul Maksımniń osy jarystaǵy ekinshi altyny. Ol jarystyń alǵashqy kúni parakanoede top jarǵan.
Aıta keteıik, álemdik dodaǵa 38 elden 683 sportshy qatysyp jatyr. Barlyǵy parakanoeden 14 baǵdarlamada júlde sarapqa salynady. Parakanoeden chempıonat 25 qazanda aıaqtalady.
Buǵan deıin Azııa Para oıyndarynda Qazaqstan 50 medal jeńip alyp, úzdik ondyqqa engenin jazdyq.
