Maksım Balabın Qytaıda jastar arasyndaǵy Azııa chempıonatynda qola júlde enshiledi
ASTANA. KAZINFORM — Qazaqstandyq jeńil atlet Maksım Balabın Qytaıdyń Ordos qalasynda ótip jatqan jastar arasyndaǵy Azııa chempıonatynda qola júldeger atandy, dep habarlaıdy UOK baspasóz qyzmeti.
Jerlesimiz syryqpen sekirýde 5.05 metr nátıjesin kórsetti. Osylaısha úshinshi oryn aldy.
Altyn medaldi Seıfeldın Abdelsalam (Qatar) jeńip aldy — 5.45 metr.
Qytaılyq Jýı Lıý ekinshi oryn aldy — 5.20 metr.
Sondaı-aq áıelder arasynda 400 metrge júgýrde Marııa Shývalova tórtinshi, Anna Shýmılo altynshy orynǵa taban tiredi.
Odan bólek, 400 metrge kedergiler arqyly júgirý saıysynda Ekaterına Koloda besinshi, Anastasııa Tsvırkýnova altynshy bolyp márege jetti.
Aıta keteıik, Azııa chempıonaty 12 shildede aıaqtalady.
Buǵan deıin Aıana Bolatbekqyzy jeńil atletıkadan Azııa chempıonatynda altynshy oryn alǵanyn jazǵanbyz.
