Maqsatym - halqymyzdyń tektiligin óner arqyly barsha álemge pash etý - qolóner sheberi Gúlnazym Ómirzaq (FOTO)
ASTANA. QazAqparat - Qazaqstannyń beıneleý ónerindegi kenjeleý qalǵan tusy - keskindeme ónerindegi bizkeste ádisi. Búginde sol dástúrli ónerimizdiń zamanaýı úlgide damytyp otyrǵan sheber qyzdarymyzdyń biri - «Daryn» syılyǵynyń ıegeri, Sýretshiler odaǵynyń múshesi Gúlnazym Ómirzaq. Gúlnazymnyń bizkeste tehnıkasynda oryndalǵan týyndylarynyń basqa qylqalam sheberlerinen ereksheligi - qazaqtyń keste ónerin sýretshilikke qosýynda. Ol beıneleý ónerine qazaqtyń keste ónerin endirdi. Sol arqyly qazaq keskindeme ónerine jańa baǵyt ákeldi. Beıneleý óneriniń osyndaı qıyn da qyzyqty jolyna qalaı kelgendigi jaıly Gúlnazym bizge áńgimelep berdi.
- Gúlnazym Ómirzaqqyzy, beıneleý óneriniń osy b i zkeste baǵytyn qalaı tańdadyńyz? Qyzyǵýshylyǵyńyz qalaı qalyptasty?
- Esimdi bilgen kezden bastap analarymyzdyń qolynan shyqqan kıiz úı ishindegi turmystyq qoldanystaǵy ásemdep tikken buıymdar kózdiń jaýyn alýshy edi. Solardy kórip, oıyma toqyp óskendikten bolar, dástúrli ónerge degen áýestigim tym erte oıandy. Óner salasyndaǵy alǵan bilimim bir basyma jeterlik, eger kókiregime toqyǵanym bolsa. Óner magıstrimin. Mamańdyǵym - sýretshi-keskindemeshi (jıvopıs). Mine, bul toǵandarym biz keste ónermen de aınalysýyma eshqandaı kedergisi joq. Qaıta qazaq halqynyń dástúrli óneriń de birge alyp júrýime meniń qyzyǵýshylyǵymdy arttyra tústi. Árıne, bul kórkem shyǵarma - ulttyq mánerdegi dástúrge aparatyn jańashyl, batyl baǵyt ustanatyn qajyrly eńbekti qajet etetin jumys. Ulttyq ónerimizdiń máńgilik dástúrli qazynasyn zamanaýı óner túrine qaıta jaramdy etip álemdik óner deńgeıine kóteretin múmkindik týdy.
- Bizkeste ádisin jan-jaqty meńgergen sheberler retinde elimizge tanymal otbasysyzdar. Anańyz ben ákeńiz, ápkeńiz Aınur da sýretshi-kes k indemeshi ekeni belgili. Sol kisilerden baǵyt-baǵdar alyp, qazirde ózindik qoltańbasy bar qolóner sheberisiz. Solar jaıly biraz maǵlumat berip ketseńiz...
- Men óz ónerimde shyǵarmashylyq izdený barysynda tehnıkalyq ádis-tásildi jan-jaqty qoldana otyryp, biz keste ónerinde ózindik qoltańbasy bar belgili qolóner sheberi anam Rahmetbaıqyzy Kalemhannan úırengendigimdi maqtan ete alamyn. Qazaq beıneleý ónerinde ózindik orny qalyptasqan belgili sýretshi, ákem Rystan Ómirzaqtyń jańa mánerdegi kórkemdik izdenisterin kesteleý ónerine ózgeshe baǵytta túsirý arqyly bizdiń otbasymyzda ózindik mektebimiz qalyptasty. Osy arqyly dástúrli halyq óneri kórkem shyǵarmashylyq dárejege deıin kóterildi. Biz keste ónerinde anamdy, shyǵarmashyl jumystar jaǵynan ákemdi ózime ustaz tutamyn. Maqsatym - halqymyzdyń tektiligin óner arqyly barsha álemge pash etý. Men ónerdi jan-tánimmen súıemin. Qandaı da bir jańa shyǵarmashyl oı týyndar aldynda tamasha áýen tyndaý meniń ishki jan dúnıemdi terbeıdi jáne túrli tústi boıaýlar arqyly jetkizemin.
- Kesteleý óneri - tózimdi, qajyrlyqty talap etetin óner túri. Ózińizdiń osy salada shákirtterińiz bar ma? Jalpy jastardyń qyzyǵýshylyǵy qandaı?
- Meniń búginge deıingi jasap jatqan azdy-kópti týyndylarym halqymyzdyn estetıkalyq talǵamynyń bıik deńgeıine kóterilýine bir mysqal bolsa da qyzmet etse deımin. Qazirgi kúnde biraz úmit kúttirerlik shákirtterim bar. Bir stýdentim Prezıdent kúnine baılanysty respýblıkalyq baıqaýdan Gran-prı júldesin aldy.
- Jaqynda Tuńǵysh Prezıdent mýzeıinde kórmeńiz ótkeni belgili. Taǵy qaı jerlerde kórme ótkizýdi josparlap otyrsyz? Aldaǵy josparlaryńyzben bólisseńiz.
- Bıylǵy jyl - tarıhı dataly kúnder jyly. Ol da oı tebirentedi, ıdeıa qosady. Qazir eskızdik joba deńgeıinde jasalyp jatyr. Shyǵarmashylyq jolymda bıikke kóterilip, óner jolynda halqymyzǵa tamasha týyndylar syılap qýantsam deımin. Jáne de kóp kartınalar jasap dúnıe júzin aralap kórmelerimdi ótkizý josparym da bar. Bıyl Astanada ápkem Aınur Ómirzaq ekeýmiz Tuńǵysh Prezıdent mýzeıinde jeke kórmemizdi ótkizdik. Al osy mamyr aıynda Lıýksembýrg qalasynda kórshi elder dostyǵy atty halyqaralyq festıvalge daıyndalyp otyrmyn.
- Áńgimeńizge rahmet! Shyǵarmashylyq tabystar tileımin!
Aıta keteıik, Gúlnazym Ómirzaq 1986 jyldyń 11 naýryzynda týylǵan. 2009 jyly T. Júrgenov atyndaǵy Qazaq ulttyq óner akademııasyndaǵy magıstratýrany bitirgen. 1996 jyly Jas talanttardyń «Aınalaıyn» 1-shi halyqaralyq festıvaliniń laýreaty atanady. 2002 jyly Astana qalasynda 5-shi halyqaralyq merekelik «Shabyt» shyǵarmashyl Jastar festıvaliniń laýreaty bolyp altyn medalimen marapattaldy. 2003 jyly ıÝNESKO-nyń Almatydaǵy Bıýrosynyń «Rısýıýt detı mıra: Qazaqstan» atty halyqaralyq Albomdar serııasyna engeni úshin sertıfıkatqa ıe boldy. 2006 jyly Frantsııada akademııa atynan mamandyǵyn shyndap qaıtty. 2010 jyly respýblıkalyq «Qanatty Áıel-3» ıdeıalar men taýarlar jármeńkesiniń dıplomymen marapattalǵan. 2010 jyly halyqaralyq jastar shyǵarmashylyǵynyń Memlekettik «Daryn» syılyǵynyń ıegeri atandy, 2012 jyly «Shabyt» festıvalinde «Bıshi» atty jumysy úshin І oryn alyp, altyn medal ıelendi, QR Sýretshiler odaǵynyń múshesi.
Búgingi tańda óz ónerimen elimizge jáne shetelderge tanymal bolǵan Gúlnazym Ómirzaqtyń shyǵarmashylyq jumystary London, Lıýksembýrg qalalary jáne Germanııa, Frantsııa, Túrkııa, Reseı elderindegi óner galereıalarynda saqtaýly, sonymen qatar elimizdegi memlekettik mekemeler men qoǵamdyq uıymdardyń ıntererine qoıylǵan. Suhbattasqan: Gúlden Ospanova
