Maqsatqa jetý úshin birlik qajet - Qyzylorda oblysynyń ult ókilderi
Qyzylorda oblystyq QHA hatshylyǵynyń meńgerýshisi Láılá Tóreshova 29 sáýir kúni Nur-Sultan qalasyndaǵy Beıbitshilik jáne kelisim saraıynda ótken Assambleıanyń HHVІІ sessııasynda talqylanǵan máselelerge keńinen toqtaldy.
«Sessııaǵa elimizdiń barlyq óńirinen 1300-ge jýyq delegat kelgen. Sondaı-aq Reseı, Túrkııa, Qyrǵyzstan, Germanııa elderinen qonaqtar arnaıy qatysty. Atalmysh shara barysynda elimizdegi keńinen qanat jaıǵan dostyq, tatýlyq, birlik jaıynda keleli áńgimeler qozǵaldy», - dedi Láılá Tóreshova.
Sondaı-aq, shara barysynda oblystyq «Slavıane» mádenı birlestiginiń basshysy Galına Şerbakova, oblystyq Qazaqstan halqy Assambleıasy janyndaǵy Analar keńesiniń jetekshisi Nursáýle Musaeva, oblystyq «Qazaqstan koreıleri qaýymdastyǵy» qoǵamdyq birlestiginiń basshysy Elena Kım, oblystyq «Qazaqstandaǵy orystar qaýymy» qoǵamdyq birlestiginiń basshysy Vladımır Tolokonnıkov, oblystyq nemis etno-mádenı birlestiginiń basshysy Irına Shek óz pikirlerin bildirdi.
«Búginde elimizde kóptegen irgeli ister júzege asty. Táýelsizdik týyn bıik etken shırek ǵasyrdan astam ýaqyt ishinde Qazaqstan álemdegi ozyq memleketter qataryna qosyldy. Aldaǵy ýaqytta da atqaratyn ister az emes. Sol arman-maqsatty oryndaý jolynda tynbaı ter tógý - bárimizdiń mindetimiz. Ol úshin árdaıym dostyq pen tatýlyq, birlik pen beıbitshilik bolýy tıis. Biz osy maqsatta jumyla is atqarǵanymyz jón», - dedi oblystyq tatar etno-mádenı ortalyǵynyń basshysy Ǵalııa Gızattýlına.
Otyrysqa qatysýshylar QHA-nyń XXVII sessııasynda qaralǵan máselelerdi keńinen talqylap, óz oı-pikirlerin bildirdi.
