Maqsatyma jetý úshin tókken terim aqtaldy – Qadyrbek Shynbaev
NAGOıA.KAZINFORM — Aralas jekpe-jekten Azıada chempıony atanǵan qazaqstandyq sportshy Qadyrbek Shynbaev fınaldyq aıqastan keıin Kazinform tilshisine shaǵyn suhbat berip, qoldaý kórsetken otandastaryna alǵys aıtty.
Sortshy aqtyq aıqas aldynda qobaljyǵanyn jasyrmady.
- Jekpe-jek oıdaǵydaı ótti. Bapkerdiń qoıǵan taktıkasy boıynsha barlyq tapsyrmany sátti oryndap shyqtym. Otandastaryma jáne týǵan jerime ulken alǵys aıtamyn. Armanyma jete almaı qalamyn ba degen ýaıym boldy. Biraq osy ýaqyt ishinde maqsatyma jetý úshin tókken terim aqtaldy,- dedi ol.
Qadyrbek Shynbaev tájikstandyq qarsylasyna qurmeti zor ekenin jetkizdi.
- Qarsylastarymnyń bári myqty boldy. Tájikstandyq sportshymen kóp jyldan beri tanyspyn. Álem chempıonatynda jáne Azııa chempıonatynda keremet nátıjege qol jetkizgen tájirıbeli sportshy. Sol sebepti jekpe-jek aıaqtalǵannan keıin bir-birimizdi quttyqtap, rahmet aıttyq. Men ony qurmetteımin,- dedi Azıada chempıony.
Aıta keteıik, Qadyrbek Shynbaev Azııa oıyndarynda MMA sportynan erler arasynda (71kg) zamanaýı stılde óner kórsetip, aqtyq synda Tájikstan ókili Hýrshedzoda Behrýzden 3:0 esebimen basym tústi.
Sonymen qatar, Osyǵan deıin Erkinǵalı Búrkitalın dástúrli stılde 77 keli salmaqta top jarǵan bolatyn.
