Maqsat Úsenov taǵy ustaldy: Marıhýana saqtaǵany úshin aıyppul tóleıdi
ALMATY. QazAqparat - Almatyda Maqsat Úsenov taǵy da sottaldy, dep habarlaıdy QazAqparat tilshisi.
Bul joly ol QR QK 296-babynyń 1,2-bólimderimen (esirtki, psıhotroptyq zattarmen, sol tektestermen, prekýrsorlarmen ótkizý maqsatynsyz zańsyz jumys isteý) áreketi boıynsha jaýapqa tartyldy.
Іs materıaldaryna sáıkes, 29-tamyzda keshki 19.00-de Almatydaǵy «QWERTY» klýbynda Úsenovten ózindik ıisi bar, kók tústi ósimdik zatymen toltyrylǵan sirińke qoraby tabyldy.
Saraptama qorytyndysy boıynsha, sirińke qorabynda kórsetilgen ósimdik «marıhýana» bolyp shyqty.
Sottalýshy Úsenov «marıhýana» toltyrylǵan sirińke qorabyn taýyp alyp qaltasyna salǵanyn aıtyp, taǵylǵan aıypty tolyq moıyndap, óz isine ókinetinin bildirgen.
Sot úkimimen Úsenov kináli dep tanylyp, oǵan 453 800 teńge, ıaǵnı 200 aılyq eseptik kórsetkish mólsherinde aıyppul salyndy.
