Maqsat Úsenov sotqa májbúrli túrde jetkizildi
ALMATY. QazAqparat - Maqsat Úsenov búgin sotqa məjbúrli túrde jetkizildi, dep habarlaıdy Qazaqparat tilshisi.
Búgin aýdanaralyq əkimshilik sotynda Maqsat Úsenovke qatysty QR ƏK 564-baby 5-bólimine qatysty ushý kezinde qaýipsizdikti buzǵany úshin otyrys bolýy kerek bolatyn. Sot prıstavtary Úsenovtyń úıinen eshkimdi tappaǵan soń, otyrys tústen keıinge qaldyrylǵan edi.
Məjbúrli túrde jetkizilgen Úsenov jýrnalısterdiń saýalyn jaýapsyz qaldyrdy.
Aıta ketý kerek, Maqsat Úsenov 5 maýsymda Almaty-Bangkok reısinde buzaqylyq jasap, bortserikke dórekilik kórsetken edi. Onyń bul əreketine qatysty qalalyq əkimshilik sot 10 təýlikke qamaýǵa alyp, 3 AEK kóleminde aıyppul saldy. Osy oqıǵadan soń Úsenov «Eır Astana» kompanııasynyń destrýktıvti jolaýshylarynyń sur tizimine ilindi.
Eske sala ketsek, Maqsat Úsenov 2013 jyly jeltoqsanda Almatyda 6 adamdy kóligimen qaǵyp ketken bolatyn. Saldarynan bir adam qaza boldy. Taraptardyń ymyraǵa kelýine baılanysty Úsenov qamaýdan bosatylyp, oǵan Ákimshilik kodekstiń eki baby boıynsha jarty mıllıon teńge somasyna aıyppul ǵana salyndy. Ekinshi ret Maqsat Úsenov tizgindegen kólik Toıota kóligimen soqtyǵysyp, 38 jastaǵy kelinshektiń densaýlyǵyna zaqym keltirgen bolatyn. Bul joly da Úsenov taraptardyń keshirimin alyp, ákimshilik jazamen shekteldi.
