Maqsat Shyńǵysov aıyptalǵan kisi ólimine soqtyrǵan JKO boıynsha is taraptardyń bitimge kelýimen aıaqtaldy - eksklıýzıvtik túsindirme
ASTANA. QazAqparat - zardap shekken tarap - jolkólik oqıǵasynda qazaǵa ushyraǵan Jaqsylyq Aqpanovtyń týystary - apellıatsııalyq sottyń sheshiminen keıin QazAqparat tilshisiniń suraqtaryna eksklıýzıvti jaýap qaıtardy.
Búgin Astanadaǵy Almaty aýdandyq sotynda 3 qańtar kúni Jaqsylyq Aqpanovty kóligimen qaǵyp ketken Maqsat Shyńǵysov pen japa shekken tarap ortaq kelisimge kelip, tatýlasty.
«Eshqandaı talap, narazylyǵymyz joq. Basynda moınyna almap edi, keıin barlyǵyn moıyndady, bizge kelip keshirim surady, eki jaq bir kelisimge keldi. Bizdiń oǵan eshqandaı ókpemiz joq. Jaraıdy endi, jas bala. Ol árıne kináli, biraq ne isteımiz endi. Bolǵan nárse boldy», - dedi marqum J.Aqpanovtyń ápkesi Bahyt Kúzembekova «QazAqparat» tilshisine bergen suhbatynda.
Onyń aǵasy Aıtjan Esmaǵambetov te sondaı pikirde.
«Iá, biz tatýlasýǵa sheshim shyǵardyq. Bizde eshqandaı naz joq oǵan qatysty. Onyń ómiri áli alda. Ol kináli, biraq bolar is boldy», - dep atap ótti ol.
Eske sala keteıik, jazataıym oqıǵa bıyl 3 qańtarda Astanadaǵy Jeńis dańǵylynyń boıynda oryn aldy. Maqsat Shyńǵysov óz kóligimen egde jastaǵy er kisini qaǵyp ketken edi. Qaza bolǵan marqum Qazaqstannyń qurmetti temirjol qyzmetkeri Jaqsylyq Aqpanov ekeni keıin anyqtaldy.
