Maqsat Muqash Mańǵystaý oblysy dene shynyqtyrý basqarmasyna basshy boldy

Mańǵystaý oblysynyń dene shynyqtyrý jáne sport basqarmasynyń basshysy taǵaıyndaldy, dep habarlaıdy Kazinform.

Nurlan Noǵaev oblys aktıvine óz erkimen qyzmetinen ketken Qanat Jumabaevtyń ornyna kelgen Mańǵystaý oblysy dene shynyqtyrý jáne sport basqarmasynyń jańa basshysyn tanystyrdy.

Basqarmanyń jańa basshysy bolyp buǵan deıin Mańǵystaý oblysy ákiminiń kómekshisi qyzmetin atqarǵan Maqsat Muqash keldi.

Maqsat Muqash L.N.Gýmılev atyndaǵy Eýrazııa ulttyq ýnıversıtetinde «dene shynyqtyrý jáne sport» mamandyǵy boıynsha jáne Qazaq gýmanıtarlyq-zań ýnıversıtetinde «quqyqtaný» mamandyǵy boıynsha bilim alǵan.

2015 jyly Qazaq ekonomıka, qarjy jáne halyqaralyq saýda ýnıversıtetin «Memlekettik jáne jergilikti basqarý» mamandyǵy boıynsha bitirgen.

2021-2023 jyldar aralyǵynda VII shaqyrylymdaǵy Jańaózen qalalyq máslıhatynyń depýtaty.

«Aq jol» partııasy Jańaózen qalalyq fılıalynyń jetekshisi boldy.

Eńbek jolyn 2013 jyly Jańaózen qalasynyń №7 orta mektebinde dene shynyqtyrý pániniń muǵalimi, №2 balalar men jasóspirimder sport mektebinde erkin kúresten jattyqtyrýshy bolyp bastaǵan.

2016-2017 jyldar aralyǵynda Jańaózen qalasy, Qyzylsaı eldimekeniniń №3 balalar men jasóspirimder mektebi dırektorynyń orynbasary.

2018-2019 jyldar aralyǵynda Jańaózen qalasy, Qyzylsaı eldimekeniniń №3 balalar men jasóspirimder mektebiniń dırektory.

2019 jyldan 2023 jyldyń maýsymyna deıin Jańaózen qalasynyń №1 balalar men jasóspirimder sport mektebiniń basshysy boldy.

2023 jyldyń 29 maýsymnan bastap Mańǵystaý oblysy ákiminiń kómekshisi qyzmetin atqardy.

Aımaq basshysy Qanat Jumabaevqa atqarǵan jumystary úshin alǵys aıtyp, basqarmanyń jańa basshysyna birqatar naqty tapsyrma júktedi.