Maqsat Muqash Aqtaý qalasynyń ákimi bolyp taǵaıyndaldy
ASTANA. KAZINFORM — QR Prezıdenti Ákimshiliginiń kelisimi boıynsha, oblys ákimi Nurdáýlet Qılybaıdyń ókimimen Maqsat Muqash Aqtaý qalasynyń ákimi bolyp taǵaıyndaldy. Bul týraly Mańǵystaý oblysy ákiminiń baspasóz qyzmeti málim etti.
Maqsat Muqash L.N. Gýmılev atyndaǵy Eýrazııa ulttyq ýnıversıtetin «Dene shynyqtyrý jáne sport» mamandyǵy boıynsha, Qazaq gýmanıtarlyq-zań ýnıversıtetin «Quqyqtaný» mamandyǵy boıynsha bitirgen. Sondaı-aq 2015 jyly Qazaq ekonomıka, qarjy jáne halyqaralyq saýda ýnıversıtetin «Memlekettik jáne jergilikti basqarý» mamandyǵy boıynsha támamdaǵan.
Eńbek jolyn 2013 jyly Jańaózen qalasyndaǵy №7 orta mektepte dene shynyqtyrý pániniń muǵalimi, №2 balalar men jasóspirimder sport mektebinde erkin kúresten jattyqtyrýshy bolyp bastaǵan.
2016-2017 jyldary Jańaózen qalasy Qyzylsaı eldi mekenindegi №3 balalar men jasóspirimder mektebi dırektorynyń orynbasary, 2018-2019 jyldary osy mekteptiń dırektory qyzmetin atqarǵan.
2019 jyldan 2023 jyldyń maýsymyna deıin Jańaózen qalasyndaǵy №1 balalar men jasóspirimder sport mektebiniń basshysy boldy.
2021-2023 jyldary VII shaqyrylymdaǵy Jańaózen qalalyq máslıhatynyń depýtaty, «Aq jol» partııasy Jańaózen qalalyq fılıalynyń jetekshisi qyzmetterin atqardy.
2023 jylǵy maýsym-qazan aılarynda Mańǵystaý oblysy ákiminiń kómekshisi qyzmetin atqaryp keldi.
2023 jylǵy 24 qazanda Mańǵystaý oblysynyń dene shynyqtyrý jáne sport basqarmasynyń basshysy bolyp taǵaıyndaldy.
2025 jylǵy jeltoqsanynan bastap osy ýaqytqa deıin Jańaózen qalasy ákiminiń orynbasary qyzmetin atqardy.
Buǵan deıin QR Prezıdenti Ákimshiliginiń kelisimi boıynsha, oblys ákimi Nurdáýlet Qılybaıdyń ókimimen Erbol Іzbergenov Mańǵystaý oblysy ákiminiń birinshi orynbasary bolyp taǵaıyndalǵanyn jazdyq.
Al Bekbol Orynbasarov Mańǵystaý oblysy ákiminiń orynbasary bolyp taǵaıyndaldy.
Sondaı-aq búgin Jańaózen qalasynyń ákimi aýysqany belgili boldy.
