Maqsat Isaǵabylov «Syr barysy» atandy
Qyzylorda qalasyndaǵy «Evrazııa» sport kesheninde qazaq kúresinen oblystyq «Altyn belbeý» saıysynyń aqtyq kezeńi máresine jetti. Balýandardyń atalmysh básekesi bıyl onynshy márte uıymdastyrylyp otyr.
Ol úsh kezeń boıynsha ótkizildi. Oǵan tórt jas deńgeıinde 8000-ǵa jýyq sportshy qatysty.
Al altyn belbeý ıesin anyqtaıtyn túıe palýan saıysyna 24 sportshy qatysty. Olardyń arasynda qyzylordalyq Maqsat Isaǵabylov «Syr Barysy» atanyp, «Altyn belbeý» beldigine ıe boldy. Oǵan 1 mln. 125 myń teńgeniń sertıfıkaty tabys etildi.
Maqsatpen fınalda taıtalasqa túsken «Syr Arlany» araldyq Nurym Səlimgereevke 540 myń teńge berildi. Sondaı-aq, úshinshi oryn alyp «Syr Suńqary» atanǵan qarmaqshylyq Marat Baımahanovqa 360 myń teńgeniń sertıfıkaty tabystaldy.
Elordamyz - Nur-Sultan qalasynda QR Prezıdentiniń júldesi úshin ótetin «Qazaqstan Barysy» respýblıkalyq týrnırine Qyzylorda oblysynan Maqsat Isaǵabylov pen Nurym Səlimgereev oblys namysyn qorǵaıdy.
Esterińizge sala ketelik, «Qazaqstan barysy» jobasy alǵash ret 2010 jyly Qyzylorda oblysynda bastaý aldy. Al 2011 jyldan bastap atalmysh týrnır respýblıkalyq deńgeıde ótkizilip keledi. Syr óńiri balýandarynyń arasynan búginge deıin Ulan Rysqul 2011, Elaman Erǵalıev 2017 jyly respýblıkalyq «Qazaqstan barysy» ataǵyn jeńip aldy.