QHA tóraǵasy orynbasary Shymkentte kezdesý ótkizdi
ShYMKENT.KAZINFORM - Shymkent qalasyndaǵy Dostyq úıinde Qazaqstan halqy Assambleıasy tóraǵasynyń orynbasary, Qazaqstan Prezıdenti Ákimshiliginiń QHA hatshylyǵynyń meńgerýshisi Marat Ázilhanov qalalyq QHA janyndaǵy etnomádenı birlestikterdiń tóraǵalarymen jáne qoǵamdyq qurylymdardyń jetekshilerimen kezdesti.
Shymkent qalasy ákiminiń orynbasary Sársen Quranbek ashyp, júrgizgen jıynda Qazaqstan halqy Assambleıasynyń HHHIV sessııasy men Memleket basshysynyń Qazaqstan halqyna arnaǵan Joldaýynda mejelengen mindetter aıtylyp, saıası qujatta júktegen tapsyrmalardy iske asyrýda Assambleıa belsendileriniń áleýetin utymdy jumyldyrý jaıy sóz boldy.
Elimizdiń turaqty damýy úshin ishki birlikti bekemdeý, etnosaralyq tatýlyq pen qoǵamdyq kelisimdi saqtaý árbir azamattyń mereıli mindeti ekeni qalalyq QHA músheleriniń nazaryna jetkizildi.
Emin-erkin ótken jıynda Marat Almasuly qalalyq etnomádenı birlestik tóraǵalaryn ashyq pikir almasýǵa shaqyrdy. Ótinish, buıymtaı, syn bolsa, qulaq asyp tyńdaýǵa daıyn ekenin jetkizdi.
– Osyǵan deıin ótken túrli jıyndar men kezdesýlerde, basqosýlarda únemi men sóılep kelemin. Búgin Shymkentke at basyn buryp, sizderdi tyńdap, pikir almasý úshin kelip otyrmyn. Qazaqstan halqy Assambleıasynyń qyzmetine, iske asyryp jatqan jobalaryna qatysty oılaryńyz, usynystaryńyz bolsa, aıtyńyzdar, – dedi Marat Almasuly.
Jıynda qalalyq M.Áýezov atyndaǵy Ońtústik Qazaqstan zertteý ýnıversıteti «Tarıh jáne etnologııa» ǵylymı ortalyǵynyń basshysy, «Qazaqtaný» jýrnalynyń jaýapty redaktory Sholpan Torǵaýtova, Ó.Jánibekov atyndaǵy Ońtústik Qazaqstan pedagogıkalyq ýnıversıtetiniń departament dırektory, qalalyq QHA janyndaǵy ǵylymı-sarapshylyq toptyń jetekshisi Qaırat Anarbaev, qalalyq QHA janyndaǵy Etnomedıatsııa keńesiniń tóraıymy Dana Kenjequlova, qalalyq túrik etnomádenı birlestiginiń tóraǵasy Latıpsha Asanov, qalalyq QHA tóraǵasynyń orynbasary, qalalyq koreı etnomádenı birlestiginiń tóraǵasy ıÝrıı Pan, qalalyq QHA tóraǵasynyń orynbasary, qalalyq ózbek etnomádenı birlestiginiń tóraǵasy Tahırbek Nıshanbaev, qalalyq QHA janyndaǵy Aqsaqaldar keńesi tóraǵasynyń orynbasary Batyrbek Jalmurzaev sóz sóılep, QHA ınstıtýtynyń qyzmeti, atqarylǵan jumystary men jobalary týraly pikirlerin aıtty.
Kezdesý sońynda qalalyq «Vaınah» sheshen-ıngýsh mádenı ortalyǵynyń» tóraǵasy Ramazan Mataev pen qalalyq ózbek etnomádenı birlestiginiń múshesi Shýhrat Rýzmetovke Qazaqstan halqy Assambleıasynyń «Alǵys» medali, Jumabek Táshenev ýnıversıtetiniń rektory Qanat Baıbolov pen Shymkent qalasy QHA janyndaǵy Analar keńesiniń tóraıymy Gúljan Súgirbaevaǵa jáne qalalyq ázirbaıjan etnomádenı ortalyǵynyń múshesi Adıl Alıevke Qazaqstan halqy Assambleıasynyń Alǵys haty tabystaldy.
Ashyq júzdesýdi qorytyndylaǵan QHA tóraǵasynyń orynbasary pikirlerdiń nazarǵa alynatynyn aıtty.
– Qazaqstan halqy Assambleıasy men onyń janyndaǵy qoǵamdyq qurylymdarǵa artylǵan aýqymdy mindettiń túpki maqsaty – eldiń erteńi úshin adal, bilimdi ári otanshyl urpaq tárbıeleý, – dedi Marat Ázilhanov.
Jıyn sońynda QHA tóraǵasynyń orynbasary kezdesýge kelgen etnos ókilderine alǵys aıtyp, Dostyq úıindegi qalalyq etnomádenı birlestikterdiń jumys kabınetterin aralap kórdi.