Maks Ferstappen «Formýla-1» jarysynda maýsymnyń sońǵy kezeńinde jeńiske jetti
NUR-SULTAN. QazAqparat – Nıderlandtyq «Red Býll» pıloty Maks Ferstappen «Formýla-1» kólikter sanatyndaǵy jarysta álem chempıonaty maýsymynyń sońǵy, 17-kezeńinde Ábý-Dabıdiń Gran-prıinde jeńiske jetti, dep habarlaıdy QazAqparat Euronews-ke silteme jasap.
Maýsymnyń sońǵy jarysy: Maks Ferstappen Abý-Dabı Gran-prıinde jeńiske jetti
Márege ekinshi bolyp «Mersedesten» fınn Valtterı Bottas keldi. Úzdik úshtikti onyń komandalasy, álem chempıony koronavırýstan aıyqqan brıtandyq Lıýıs Hemılton qorytyndylady. Pandemııaǵa baılanysty 17 kezeńniń tek tórteýin ǵana kórermen tamashalady.
Maýsymnyń qortyndysy boıynsha Hemılton aktıvinde 347 upaı bolsa, ekinshi oryndy Bottas (223), úshinshi oryndy Ferstappen (214) ıelendi.
Konstrýktorlar kýbogynda «Mersedes» (573 upaı) ýaqytynan buryn jeńiske jetti, odan keıingi oryndarǵa «Red Býll» (319) jáne «Maklaren» (202) jaıǵasty. 2012 jyldan bastap komanda alǵash ret úzdik úshtikke endi.
