Makronǵa qarsy ımpıchment bastamasy alǵashqy kezeńde-aq qabyldanbady

ASTANA. KAZINFORM – Frantsııada Premer-mınıstr Sebasten Lekornıýdiń otstavkasynan keıin saıası daǵdarys ýshyǵyp barady, dep habarlaıdy Kazinform agenttiginiń menshikti tilshisi. 

Ulttyq assambleıa prezıdent Emmanýel Makronǵa ımpıchment jarııalaý týraly usynysty qabyldamaı tastady.

Byltyrǵydaı, bul joly da bastamany solshyl saıasatker Jan-Lıýk Melanshon kótergen edi.

— «Búlikshil Frantsııa» («La France insoumise») partııasy usynǵan prezıdentti qyzmetinen shettetý jónindegi bastama Ulttyq assambleıa bıýrosynyń otyrysynda qabyldanbady, — dep jazady frantsýz basylymdary.

Daýys berý kezinde usynysty tek bastamashyl toptyń ókilderi ǵana qoldady, al Marın Le Pen bastaǵan ońshyl oppozıtsııa músheleri qalys qaldy.

Búgin keshke Frantsııada otstavkaǵa ketip jatqan premer-mınıstr Lekornıý Emmanýel Makronnyń tapsyrmasymen dúısenbiden beri júrgizip kele jatqan saıası kúshter basshylarymen sońǵy kelissózderin aıaqtaýy tıis.

Eske salaıyq, buǵan deıin Makron úkimetti saqtap qalý úshin premer-mınıstrge eki kún ýaqyt bergen bolatyn.