Makron EO elderin Frantsııanyń ıadrolyq tejeý kúshterimen qorǵamaq
ASTANA. KAZINFORM – Frantsııa Eýropalyq Odaq elderimen ózderiniń ıadrolyq arsenaldary arqyly eýropalyq qaýipsizdikti qamtamasyz etý jóninde dıalogty bastaýdy josparlap otyr, dep habarlaıdy reseılik TASS.
Bul týraly Frantsııa prezıdenti Emmanıýel Makron Elıseı saraıynyń H áleýmettik jelisinde jarııalanǵan eldiń áskerı azamattaryna úndeýinde málim etti.
- Ujymdyq qaýipsizdikti qamtamasyz etý boıynsha elimizdiń ıadrolyq tejeý kúshiniń rólin tolyqqandy baǵalaý úshin men qarýly kúshter mınıstri men QK Bas shtabynyń bastyǵyna osy iske daıyn eýropalyq seriktestermen dıalogty bastaýdy tapsyrdym. Men bul taqyrypty qandaı jetistikke jetkenimizdi naqtyraq baıandaý úshin jyldyń sońynda taǵy kóteretin bolamyn, - dedi Frantsııa kóshbasshysy.
Ol ıadrolyq tejeý kúshterin úılestirý týraly Frantsııa men Ulybrıtanııa arasynda jasalǵan kelisimdi eske saldy, sondaı-aq tamyzda ótetin frantsııa-germanııa qorǵanys keńesiniń birlesken sheshimderimen tanystyrdy.
- Eki-úsh kúnnen soń Germanııa men Ulybrıtanııanyń kezdesýi josparlanǵan. Tamyz aıynda germanııalyq seriktestermen qorǵanys pen qaýipsizdik jónindegi frantsııa-germanııa keńesinde júzdesemiz. Onda bizge jańa sheshimder qabyldaý qajet bolady, - dep tolyqtyrdy Makron.
Frantsııa basshysy naýryz aıynda Eýropa elderin Frantsııanyń ıadrolyq tejeý kúshteriniń qorǵaýyna alý týraly odaqtastarmen pikirtalasty bastaıtynyn málimdegen bolatyn.
Osyǵan deıin Frantsııa prezıdentiniń saıası partııa kóshbasshylarymen álemdegi jaǵdaıdy talqylaıtyny týraly jazdyq.