Makron AQSh pen Irandy tez arada kelisimge kelýge shaqyrdy
ASTANA. KAZINFORM — Frantsııa prezıdenti Emmanýel Makron AQSh pen Iran arasyndaǵy kelissózderdi jedel aıaqtap, Ormýz buǵazy arqyly keme qatynasyn qaıta jandandyrýǵa shaqyrdy, dep habarlaıdy Sınhýa.
Makron bul týraly Saýd Arabııasynyń taq murageri Muhammed ben Salman Ál Saýd, Oman sultany Haısam ben Tarek Ál Saıd, BAÁ prezıdenti Muhammed ben Zaıd Ál Nahaııan jáne Mysyr prezıdenti Abdel Fattah as-Sısımen júrgizgen kelissózderinen keıin málimdedi.
Frantsııa basshysynyń aıtýynsha, barlyq kóshbasshyǵa birdeı úndeý joldanyp, AQSh pen Irannyń múmkindiginshe tezirek ortaq kelisimge kelýi qajet ekeni aıtylǵan.
Makronnyń pikirinshe, qazirgi basty mindet — atysty toqtatý rejımin qamtamasyz etý jáne halyqaralyq quqyqqa sáıkes Ormýz buǵazyn eshqandaı shartsyz ashý. Osydan keıin Irannyń ıadrolyq jáne zymyran baǵdarlamalary, sondaı-aq óńirlik turaqtylyq máseleleri boıynsha jan-jaqty ári uzaqmerzimdi kelisimge qol jetkizý úshin kelissózderdi jalǵastyrý qajet.
Ol sondaı-aq Frantsııa Ulybrıtanııamen birlesip jetekshilik etetin kópultty bastama aıasynda Ormýz buǵazyndaǵy keme qatynasynyń qaýipsizdigin qamtamasyz etýge úles qosýǵa daıyn ekenin jetkizdi.
Budan buryn Iran Omanmen Ormýz buǵazyn basqarýdyń jańa tásili jóninde kelissóz júrgizip jatqanyn jazǵanbyz.
