Makron 15 jastan kishi balalarǵa áleýmettik jelilerdi paıdalanýǵa tyıym salatynyn málimdedi

ASTANA.KAZINFORM — Frantsııa prezıdenti Emmanıýel Makron seısenbi kúni keshke Frantsııada «taıaý aılarda» 15 jasqa deıingi balalarǵa áleýmettik jelilerge tyıym salatynyn aıtty, dep habarlaıdy Kazinform tilshisi. 

Frantsııa basshysy Eýroodaq bul másele boıynsha belgili jetistikke qol jetkizbese, osyndaı sheshim qabyldaıtynyn aıtty.

Eýropalyq BAQ Frantsııa men Ispanııanyń qoldaýymen Grekııa EO-ny jasóspirimderdiń ınternette ótkizetin ýaqytyn aıtarlyqtaı shekteýge shaqyrý úshin kúsh salyp jatqanyn jazady.

Alaıda, seısenbi kúni tańerteń orta mekteptegi muǵalim kómekshisiniń óliminen keıin frantsýz jurtshylyǵy aldynda sóz sóılegen Emmanıýel Makron tezirek áreket etkisi keledi.

— Biz kúte almaımyz, — dedi Makron Nojandaǵy (Joǵarǵy Marn departamenti) atyshýly kisi óliminen keıin France 2 telearnasyna bergen suhbatynda.

Ol sondaı-aq Frantsııa jaqyn arada pornografııalyq saıttarǵa qarsy qabyldanǵan sharalarǵa uqsas onlaın pyshaq satatyn veb-saıttarda jas mólsherin tekserýdi engizetinin habarlady.

— 15 jastaǵy jetkinshek budan bylaı onlaın pyshaq satyp ala almaıdy. Buǵan biz jappaı qarjylyq sanktsııalar men tyıym engizemiz, — dep ýáde berdi ol.

Buǵan deıin premer-mınıstr Fransýa Baırý kámeletke tolmaǵandarǵa pyshaq satýǵa tyıym salý úshin tez áreket etkisi keletinin aıtty.

— Men 15 jasqa tolmaǵan balalardyń áleýmettik jelilerge qoljetimdiligine tyıym salamyn. Platformalarda jasty tekserý múmkindikteri bar, — dep jazdy Makron.

Frantsýz bıligi keıbir áleýmettik jelilerdi, sonyń ishinde X, Reddit, Bluesky jáne Mastodon saıttaryn pornografııalyq saıttar retinde jikteý arqyly jas mólsherin tekserýdi engizýge májbúrlep jatyr.

Porno saıttardy qoldanýshylardyń jasyn tekserýdi talap etetin sharalar 7 maýsymda kúshine enip, Frantsııadaǵy álemdegi eń úlken Pornhub porno saıtynyń jabylýyna ákeldi.