Makroekonomıkalyq jaǵdaı álem naryǵyndaǵy qubylmalylyqtyń artýymen damyp keledi - UB
«Bıyl makroekonomıkalyq jaǵdaı geosaıası ahýaldyń nasharlaýymen, álemdik qarjy jáne taýar naryqtaryndaǵy qubylmalylyqtyń ósýimen damyp keledi. Geosaıası shıelenistiń ósýine baılanysty taýar jetkizý joldarynyń buzylýy jıileı tústi. Bul óz kezeginde álemde ınflıatsııalyq qysymdy kúsheıtti. Kóptegen elde ınflıatsııa ondaǵan jyldardaǵy eń maksımaldy kórsetkishterge jetip, joǵary deńgeıde saqtaldy. Mysaly, AQSh-ta ınflıatsııa 40 jylǵy eń joǵary deńgeıge – 8,2 paıyzǵa jetti. Ulybrıtanııa men Eýroaımaqta ınflıatsııa eki tańbaly mánge ótip, tıisinshe, 10,1 jáne 10,7 paıyz boldy», - dedi Ǵalymjan Pirmatov.
Onyń atap ótýinshe, joǵary baǵalar azyq-túlik pen energetıka sektorynan shyǵyp ketti. Sondyqtan Halyqaralyq valıýta qory ótken aıda jahandyq ınflıatsııanyń boljamdyq kórsetkishin eselep, ınflıatsııanyń uzaq ýaqytqa saqtalý táýekeli bar ekenin aıtqan.
«Halyqaralyq valıýta qorynyń jańartylǵan boljamdaryna sáıkes, jahandyq ınflıatsııa osy jyldyń sońynda 8,8 paıyzǵa deıin jetedi. 2023 jyly ol 6,5 paıyzǵa deıin, al 2024 jyly 4,1 paıyzǵa deıin baıaýlaıdy degen boljam bar. Ortalyq bankter ınflıatsııamen kúresý jolynda mólsherlemeni kóterýdiń sınhrondy tsıklin júrgizýde. Sebebi ekonomıkanyń ornyqty ósýi úshin baǵalardyń turaqty ári tómen bolǵany mańyzdy. Osy is-sharalar baǵa qysymyn tómendetýge, ınflıatsııany nysanaly deńgeıge qaıtarýǵa jáne jyldar boıy qalyptasqan halyqtyń senimin joǵaltpaý úshin ınflıatsııalyq kútýlerdi baqylaýǵa baǵyttaldy», - dedi Ǵalymjan Pirmatov.
Foto: covalenceinc.com
