Maqpal Isabekovanyń áni Qazaqstannan «Álemdik hıt-paradta» úzdik atandy
ASTANA. QazAqparat - Belgili qazaqstandyq ánshi Maqpal Isabekova «Habarlaspa» ánimen «MIR» radıosynyń «Álemdik hıt-paradynda» birinshi orynǵa ıe boldy. Qazaqstandyq ánsúıer qaýym aqpan aıynyń qorytyndysy boıynsha ánshini úzdik dep tapty.
Mýzykalyq hıt-paradty uıymdastyrýshylar atap ótkendeı, ár aı saıyn radıostansa saıtynda daýys berý úderisi júredi, onda TMD múshe-memleketteri men Grýzııanyń turǵyndary óz eliniń úzdik ánin tańdaıdy. 28 aqpanda radıostansa efırine birinshi «Álemdik hıt-parad» baǵdarlamasy shyqty. Onda aqpan aıyndaǵy daýys berýdiń nátıjesi belgili boldy. Qazaqstandyq tyńdarmandar úzdik án retinde Maqpal Isabekovanyń oryndaýyndaǵy «Habarlaspa» ánin tańdady.
1 naýryzdan jańa daýys berý kezeńi bastalatyny atalyp ótildi.
