Maqpal Isabekova kómektesken boıjetken ótinishin bildirdi
TALDYQORǴAN. QazAqparat - Belgili estrada juldyzy Maqpal Isabekova áleýmettik jelidegi ınstagram paraqshasyn satyp, aqshalaı kómektesken boıjetken kólik júrgizýshilerine ótinishin bildirdi, dep habarlaıdy QazAqparat tilshisi.
Arnaıy beınerolıkke túsken Ásel Qasymhanqyzy ol jerde qysqasha taǵdyry jaıly baıandap, kólik júrgizýshilerinen ishimdik iship, temir tulpardy tizgindemeýdi ótindi. Ásel osydan týra jeti jyl buryn kólip apatyna túsip, bir aıaǵynan aıyrylǵan bolatyn. Dıplomyn alyp, Taldyqorǵanǵa kele jatqan sátte bolǵan apat qyzdyń taǵdyryn ózgertti.
Sondaı-aq beınerolıkte taǵy eki adam kólik júrgizýshilerinen jolda barynsha abaı bolýyn suraıdy.
Bul sharany Almaty oblysynyń polıtseıleri uıymdastyrdy. Maqsaty, kólik apatynyń barynsha aldyn alyp, adam taǵdyryna beı-jaı qaramaýǵa shaqyrý.
Statıstıkaǵa boıynsha Almaty oblysynda 1599 jol-kólik apaty tirkelgen. Saldarynan 338 adam kóz jumdy. 2144 adam zardap shekti.
Eske salsaq, Maqpal Isabekova taldyqorǵandyq Ásel Qasymhanqyzy úshin ınstagram paraqshasyn satqandyǵy týraly buǵan deıin habarlaǵan bolatynbyz .
