Maqpal Isabekova Instagramdaǵy paraqshasyn satyp, kómek kórsetken qyz elge oraldy

Buǵan deıin habarlaǵanymyzdaı, Maqpal Isabekova jol apatynan keıin «sol jaq jambas súıeginiń sozylmaly osteomelıti» dıagnozy qoıylǵan  29 jastaǵy taldyqorǵandyq Ásel Qasymhanqyzyna kómektesý úshin óziniń Instagramdaǵy 1 mln.-nan astam oqyrmany bar paraqshasyn satqan edi. Ənshi áleýmettik jelidegi akkaýntyn 1,5 mln teńgege baǵalady. Saýdaǵa shyǵarylǵan paraqshany 10 saǵattan soń Astanalyq boıjetken satyp aldy.

Ə. Husaınova ənshiniń ózimen áli jeke sóılespegen. Tek əleýmettik jeli arqyly habarlasyp, ystyq yqylasyn bildirgen kórinedi.

«QazAqparat» HAA tilshisi Əselmen suhbattasyp, onyń emnen keıingi hal-jaǵdaıyn bilgen edi.

- Əsel, Siz əleýmettik jeli arqyly halyqtan kómek suradyńyz. Dəl osyndaı tanymal adamdar qarjylaı kómekti kórsetedi dep sendińiz be?

- Men Qytaıǵa ota jasatýǵa ketkenmin. Bir kúni aǵam qońyraý shalyp, Maqpal Isabekovanyń ózi qarjylaı kómekteskeli jatyr degende qatty tańdandym. Ol endi juldyz ǵoı, men úshin Instagramdaǵy paraqshasyn satyp, qoldaý kórsetkenine qatty rızamyn. Ózim Maqpaldyń ənderin súıip tyńdaımyn.

Meniń otama 15 myń dollar qajet boldy. Men úshin ol óte kóp qarajat. Tyǵyryqqa tirelgendikten osyndaı sheshim qabyldaýǵa məjbúr boldym. Sebebi qazaqstandyq dərigerler maǵan birden aıaǵymdy jambasyma deıin kesemiz dedi. Óıtkeni órship bara jatqan irińdi toqtatý kerek eken. Al ondaı sheshim qabyldamasam, tipten júrýden qalyp, tósek tartamyn. Óte aýyr jaǵdaı. Sodan meniń tanys dosym əleýmettik jeli arqyly kómek suraýdy usyndy. Basynda birden  qarsylyǵymdy bildirdim. Sebebi, men úshin ol uıat jaǵdaı. Namystandym. Biraq, qarjylaı kómekke zərý bolǵandyqtan sheshim qabyldap, kelistim. Əleýmettik jelige salatyn mətindi de myń oılanyp, eki kún boıy jazdym. Ərıne bəri birdeı qabyldaǵan joq. Halyqtyń qoldaýymen qatar, qarsylyq tanytqandar da bolǵanyn jasyrmaımyn. Habarlasqandar óte kóp boldy. Biraq, ersi sózder aıtyp, taǵdyrdyń təlkegine ushyraǵan meniń júregimdi jaralaǵandar da joq emes. Ras.

"Alaıaqsyń, seniń aıaǵyńnyń  kesilgeni ótirik" dep meniń ózimdi odan saıyn tuqyrta dattaǵandar da boldy. Janym aýyryp turǵanda tanymaıtyn adamnan, tipti kimnen bolsa da, mundaı sóz estý jyǵylǵanǵa judyryqtaı tıedi eken. Biraq təýbə! Eń bastysy ondaı sóz aıtqandar kóp emes. Kerisinshe, qol ushyn sozǵan jandardyń sany sheksiz. Sol jandardyń qoldaýynyń nətıjesinde búgin otamdy jasatyp, úıime oraldym.

- Sol otany elimizde jasatý múmkin bolmady ma?

- Iə, bul suraq meni de qatty mazalaıdy. Medıtsına salasy damyp jatyr ǵoı. Biraq osy salanyń keıbir baǵyty kenje qalýda. Qarańyzshy, Qytaıda bəri damyǵan. Súıektiń ishki jaǵdaıyna deıin tekseretin apparattary bar. Al, bizde ol joq. Məselen, osy jolǵy otamda meniń 2 sm ǵana súıegimdi kesip, emdedi. Al bizdiń dərigerler jambasyma deıin kesemiz dep, zəre qutymdy qashyrdy. Tipti, qytaılyq dərigerler «buǵan deıin kóringenińde aıaǵyńdy da saqtap qalýǵa múmkin bolar edi» degende, qandaı kúıde bolǵanymdy sózben aıtyp jetkizý múmkin emes.

- Əsel, qazirgi jaǵdaıyńyz qalaı?

- Jaǵdaıym jaqsy. Qazir Taldyqorǵandamyn. Əli talaı em qabyldaýym kerek. Súıekterimdi qataıtý qajet. Bir əttegeni, meniń aǵzam dəri-dərmek ishsem, allergııa beredi. Ol osy ýaqytqa deıin shamadan tys dərilerdi qabyldaǵannan da bolar dep oılaımyn.

-Sizge qarjylaı kómek əli de kerek sekildi ǵoı sonda?

- Endi tipten muqtajbyn dep aıtqym da kelmeıdi. Biraq men endi shıpajaılarǵa baryp, aǵzamdy nyǵaıtýym kerek. Emdik sharalar qabyldaýym tıis. Jəne maǵan protezdi bir jyl kóleminde taǵýǵa bolmaıdy. Otadan keıin aıaǵym tolyqtaı jazylýy kerek. Sebebi, ishiniń bəri irińdep ketken. Halyq qoldap, qarjylaı kómek kórsetip jatsa, qarsy emespin.

-Degenmen, bundaı jaǵdaıǵa qalaı tap bolǵanyńyzdy aıta ketseńiz?

- Bul 2010 jyldyń 30 maýsymy  bolatyn. Almatydaǵy Polıtehnıkalyq ýnıversıtetti bitirip, Taldyqorǵanǵa dıplomymdy alyp kele jatqan edik. Kólik apatyna ushyradyq. Bul osymen meniń ómirimdegi ekinshi kólik apaty. Birinshi ret 2006 jyly túsken edim. Eki aıaǵymdy syndyrdym. Bir jyl oqýǵa bara almadym. Eń bastysy, saýyǵyp kettim. Biraq, bar kesel aıaǵyma jabysyp tur eken. Eki apatta da júrgizýshiniń qasynda otyrdym. Soqqy men otyrǵan jaqtan boldy, sol aıaǵym syndy, syrtynan terisi ǵana ustap turdy. Osyndaı qıyn kúnder ótti. Endi qalǵan kúnderim tek jaqsy bolsa eken dep tileımin.

- Əsel,sizdiń armanyńyz qandaı?

- Shynymdy aıtsam, men bul suraqty óz-ózime  qoımaǵaly qashan?! El qataryna qosylǵym keledi, júrgim keledi. Jeke bıznesimdi ashqym keledi. Bəlkim sən salony bolar. Jəne men túrli monshaqtarmen kartınalardy jasaımyn. Sol sheberligimdi damytqym keledi. Eń bastysy, qoldaý kórsetip, tilekshi bolǵan halqyma aıtar alǵysym sheksiz! Halqymnyń tileýiniń arqasynda óz ortama qaıta oralamyn degen úmitim basym.

-Armanyńyzǵa jetińiz! Tezirek saýyǵýyńyzdy tileımin!