Maqpal Isabekova «Batyl júrek» mýltfılminiń qazaq tilindegi saýndtregin oryndady

Kartınanyń qazaq tilindegi premerasy 21 maýsymǵa belgilenip otyr.

«Dál osy joba úshin men Máskeýden arnaıy ushyp keldim. Qazir meniń GITIS-ta oqýym ótip jatyr. Maǵan «Batyl júrek» mýltfılminiń óleńderin daýystaýǵa usynys túsirgende, men kóp oılanbaı kelistim. Men dýblıajda alǵash ret qatysyp otyrmyn, maǵan qatty unady. Eger maǵan keleshekte belgili bir keıipkerdi daýystaýǵa usynys jasasa, onda men qýana keliser edim», - deıdi Maqpal.

«Batyl júrek» - bul Soltústik Shotlandııanyń qatal ári jumbaq taýlarynda alapat qıyndyqtardy bastan ótkizýge týra kelgen batyl Merıda hanshaıymy týraly oqıǵa. Mýltfılmdi aǵylshyn tilinen aýdarý úshin 15 daýys qajet bolǵan.

«Batyl júrek» keıipkerlerine óz daýystaryn syılaǵan akterlerdiń arasynda Іńkár Ábdrash (Merıda), Áýezov teatrynyń aktrısasy Aıjan Dáýletpaqova,  QR eńbek sińirgen ártisi Tóleýbek Aralbaı (Fergýs patsha), Gúljamal Qazaqbaeva jáne taǵy basqalar bar.

«Kastıngke kelgende meni tańdaıtyndaryna senimdi bolǵan joqpyn. Barlyq úmitkerlerdiń artynda dýblıaj salasynda atqarǵan qyrýar tájirıbeleri boldy. Bas keıipkerdi daýystaısyn degende men alǵashynda senbeı qaldym. Negizi biz Merıda ekeýmizdiń uqsastyǵymyz bar. Ol kishkentaı ári názik - dál men sekildi», - deıdi bas keıipker Merıdany daýystaǵan І. Ábdrash.

Anımatsııalyq fılmniń aýdarmasyn «Bolashaq» qaýymdastyǵy, «Altyn qyran» korporatıvtik qaıyrymdylyq qorynyń jáne «Meloman» holdınginiń jańa brendi Marwin-niń qoldaýymen jasaǵan.