Makoleı Kalkın «Odın doma» túsirilimine oralýǵa daıyn

ASTANA.KAZINFORM — Akter Makoleı Kalkın «Odın doma» fılminiń jalǵasynda Kevın Makkallıster rólin qaıta oınaı alatynyn aıtty, dep habarlaıdy Yahoo.  

1990 jylǵy Rojdestvolyq klassıkalyq «Odın doma» jáne onyń 1992 jylǵy jalǵasy «Odın doma 2: Poterıannyı v Nıý-Iorke» fılmderinde Kevın Makkallıster rólin oınap, bala kúninde tanymal bolǵan 45 jastaǵy akter «Makoleı Kalkınmen nostalgııalyq tún» týry kezinde sıýjettiń jalǵasy týraly ıdeıasymen bólisti.

— Men jalǵyzbasty ákemin, ajyrasqan adammyn. Men kóp jumys isteımin, biraq oǵan jetkilikti kóńil bólmeımin, sol úshin bala maǵan ashýlanyp meni úıden qýyp jiberedi. (Kevınniń uly) meni jibermeıdi… jáne ol maǵan tuzaq qurady, — dedi akter. 

Kalkın ulynyń senimin jaýlap alý úshin qandaı da bir kelisimge kelýi kerek ekenin aıtty.

Akter alǵashqy eki bólimde ǵana oınaǵanymen, «Odın doma» franshızasy alty fılmdi qamtıdy.

«Odın doma 3» (1997) negizgi akterler quramynsyz shyqqan alǵashqy fılm boldy, rejısser Krıs Kolýmbýs pen kompozıtor Djon Ýılıams ta jobadan ketti.

2002 jyly bul fılmnen keıin alǵashqy eki fılmniń keıipkerlerin ártúrli akterler somdaǵan «Odın doma 4» atty jeke telehıkaıa shyqty.

Taǵy bir attas telehıkaıa 2012 jyly jaryq kórdi, al Disney+ franshızany 2021 jyly fılmdi jeke sıkvelmen qaıta jandandyrdy.

Sońǵy fılmde Ellı Kemper, Rob Delanı, Archı Ieıts, Eıslıng Bı jáne Kenan Tomas oınaıdy, al Devın Retreı túpnusqa eki fılmdegi Bazz MakKallıster rólin qaıta somdaıdy.