«Makkabı» óz alańyńda óte jaqsy oınaıdy - Nenad Erıch
ASTANA. QazAqparat - «Astana» fýtbol klýbynyń negizgi qaqpashysy Nenad Erıch Eýropa lıgasy toptyq kezeńiniń 3-týry aıasynda Izraıldiń «Makkabı Tel-Avıvá komandasyn shań qaptyrǵan jeńisti oıyn týraly óz pikirin bildirdi, dep habarlaıdy QazAqparat tilshisi.
«Keshegi oıynda men atqarar esh jumys bolmady. Komanda qorǵanysta da, shabýylda da óte jaqsy jumys istedi. Der kezinde gol soqtyq, «Makkabı» qaqpamyzǵa jolaı almady», - dedi ol.
«Astananyń» toptan shyǵý múmkindikteri týraly Erıch «A» tobyndaǵy barlyq tórt komandanyń myqty ekenin jetkizdi. Sondaı-aq, Erıch «Makkabımen» qarymta oıynnyń da qıyn bolatynyn basa aıtty.
«Keshe «Vılıareal» «Slavııamen» teń tústi, meniń oıymsha barlyǵy bizdiń «Makkabımen» qarymta oıynymyzǵa baılanysty. Eger qarymta oıynda da basym tússek, toptan shyǵý múmkindikterimiz artady. Biraq, qarymtada teń tússek te, qýanar edik. Sebebi «Makkabıdiń» jankúıerleri myqty, ondaǵy klımat ta ózgeshe. Olar óz alańyńda óte jaqsy oınaıdy, tipti ıspandyq «Vılıarealdyń» jeńip ketýine jol bermedi», - deıdi qaqpashy.
Sonymen birge, Erıch «Astananyń» óz alańynda jaqsyraq oınaıtyny týraly faktige óz pikirin bildirdi.
«Sońǵy nátıjeler bizdiń óz alańymyzda táýir oınaıtynymyzdy kórsetti. Árıne, jankúıerler aldynda senimdiligimiz arta túsedi. Biraq, qazir bizdiń eýrokýboktyq tájirıbemiz bar jáne jankúıerlerimiz úshin syrtta da bar kúshimizdi salamyz», - dedi Erıch.
Foto: fca.kz
