Makınskide 40 páterdiń kilti tapsyryldy-Aqmola oblysy
KÓKShETAÝ. QazAqparat - Aqmola oblysynyń Bulandy aýdanynda jańadan salynǵan turǵyn úıden 40 páterdiń kilti tapsyryldy, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
Aýdan ortalyǵy-Makınsk qalasynda ornalasqan turǵyn úı «Nurly jer» baǵdarlamasy boıynsha salynǵan. Turǵyn úı 20 bir bólme, 12 eki bólme jáne 8 úsh bólmeden turady. Baspanaly bolǵandardyń negizi kópbalaly jáne áleýmettik jaǵynan az qamtylǵan otbasylar, 29 jasqa tolmaǵandar men jetimder.
Páter kiltin tapsyrý rásimine qatysqan Bulandy aýdanynyń ákimi Talǵat Erseıitov qýanysh ıelerin quttyqtap, shańyraqtaryna shattyq tiledi.
