Makınski men Pavlodar kartoptary dep júrgenimiz shyn máninde pákistandiki - «Atameken» palatasy
ASTANA. QazAqparat - «Atameken» UKP basqarma basshysynyń orynbasary Nurjan Áltaevtyń aıtýynsha, sońǵy bes jyl boıy Qazaqstan mıllıondaǵan tonna kartopty syrttan satyp alyp keledi. Jyl saıyn atalǵan ónimniń jalpy sommasy 16 mıllıon dollardy quraıdy, dep xabarlaıdy QazAqparat tilshisi.
«Alaıda biz ózimiz ishki suranystan artyq kartopty óndirip otyramyz. Sóıtip, Qazaqstan boıynsha shamamen 3 mıllıard dollardyń kókónis ónimderin syrttan satyp alyp otyramyz. Sonyń ishinde 2 mıllıard teńgeniń ónimin ózimiz-aq shyǵara alamyz», - dedi Áltaev Astana qalasy kásipkerleriniń jyl saıynǵy konferentsııasynda.
Onyń aıtýynsha, búginde bazarda otandyq ónim dep satylatyn kartoptyń basym bóligi - syrttan kelgen. Alaıda satýshylar ony ashyq aıtpaıdy.
«Qys kezinde biz kartopty Pákistannan tasımyz. Qazirgi kezde ony «Makınsk» pen «Pavlodardyń» kartoby dep jappaı satyp jatyr. Shyn máninde, onyń bárin syrttan ákeledi», - dep atap kórsetti «Atameken» basshysynyń orynbasary.
Aıta keteıik, búgingi jıyn barysynda Isekeshev azyq-túlik dúkenderi men dárixanalary az jerlerde ondaı bıznesti ashýǵa nıet tanytqan kásipkerlerge jeńildik jasaýǵa daıyn ekenin jetkizdi.
Sondaı-aq Astana ákimi EKSPO kezinde tamaq máselesin qalaı sheshetinin aıtyp berdi.
