Makınsk turǵyny tirkelmegen dinı uıym ashqan -Aqmola oblysy
ІІD baspasóz qyzmetiniń málimeti boıynsha, ótken 2017 jyly dinı ekstremızge qarsy kúres boıynsha atqarlyǵan jumystardyń qorytyndysy shyǵaryldy. Quqyq qorǵaý organdarymen qolǵa alynǵan sharalardyń nátıjesinde 37 ákimshilik is qozǵalyp, zańbuzýshylyqtarǵa oryn bergen tulǵalarǵa 1 mıllıon 815 myń teńge aıyppul salyndy.
Máselen, ótken jyldyń naýryz aıynda Kókshetaý qalasyndaǵy kitap dúkenderiniń birinde dinı ádebıetter satylǵany úshin 113 450 teńge kóleminde aıyppul salyndy. Oǵan qosa, dúkenniń jumysy 3 aıǵa deıingi merzimge ýaqytsha toqtatyldy.
Al, Eńbekshilder aýdanynda dinı ádebıetter taratý boıynsha 5 oqıǵa anyqtaldy. Osyǵan kináli jergilikti turǵyndarǵa qatysty QR ÁQbK 490-shy baby boıynsha ákimshilik hattama toltyrylyp, 113 450 teńge kóleminde aıyppul salyndy. Ekstremıstik baǵyttaǵy dinı ádebıetti saqtaǵan úshin Jaqsy aýdanynyń 26 jastaǵy turǵyny 226 900 teńge aıyppul tóleıtin bolady.
Sonymen qatar, Kókshetaý qalasy men Astarhan jáne Bulandy aýdandarynda da tirkelmegen dinı uıymdardyń jumysyna basshylyq etý, qatysý sııaqty 6 oqıǵa anyqtaldy. Máselen, byltyrǵy jyldyń shilde aıynda Makınsk qalasynda jergilikti turǵyn tirkelmegen dinı uıym ashqan. Oǵan qatysty ákimshilik hattama toltyrylyp, 226 900 teńge kóleminde aıyppul salyndy.
«...Polıtseıler dinı baǵyttaǵy zańbuzýshylyqtardy anyqtaý maqsatynda reıdtik sharalardy jıi ótkizip turady. Ýaqtyly qolǵa alynǵan sharalar zańsyz dinı qyzmetterdiń jolyn kesýge múmkindik beredi», dep túsindirdi ІІD ekstermızmge qarsy kúres basqarmasynyń mamandary.
