Makınsk qus fabrıkasy Qazaqstan ımportynyń 30% qamtıdy- Aqmola ákimi
ASTANA. QazAqparat - Aqmola oblysynyń ákimi Málik Myrzalın 2018 jyldyń 9 aıyndaǵy aımaqtyń áleýmettik-ekonomıkalyq damýy týraly baıandady, dep habarlaıdy QazAqparat tilshisi.
Aqmola oblysynda aýyl sharýashylyǵyn qaıta óńdeý salasynda jyl basynan beri 19 mlrd. teńgeden astam qarjy ıgerildi, bul respýblıkalyq kólemdegi bıýdjettiń 25% (jalpy Qazaqstan boıynsha ınvestıtsııalardyń kólemi 76,8 mlrd. teńge) quraıdy.
Oblysta bıyl ashylǵan Makınsk qus fabrıkasy tek elorda aýmaǵyn ǵana emes búkil respýblıkany qus ónimderimen qamtamasyz etýge baǵyttalǵan aýqymdy joba.
«Búginde qurylystyń birinshi kezeńi iske qosylyp 25 myń tonna qus eti óndirildi, kásiporyn tolyq qýatynda jumys istese, ónjiriletin ónim kólemin 50 myń tonnaǵa jetkizemiz degen josparymyz bar. Kásiporyn jyl saıyn eldegi qus etiniń 30% ımportyn jabady. Bul degenimiz 170 myń tonna qus eti. Budan bólek et óńdeý qýaty jylyna 5,5 myń tonna bolatyn «Bavaria Product» iri shoshqa kesheni bar», - dedi M.Myrzalın OKQ-de ótken baspasóz máslıhatynda.
Ákimniń aıtýynsha, óńirde azyq-túlik óndirisinde turaqty ósý úrdisi saqtalyp otyr. Osy jyldyń 9 aıynda ósim 110,8% qurady. Onyń ishinde shujyq ónimderi men un - 113%, et - 117%, ósimdik maıy - 132%, sarymaı - 135% quraıdy.
«Óńirde bıylǵy jyly mal sharýashylyǵynda zákirlik qýattylyqty damytý boıynsha yntymaqtastyqty engizýdiń arqasynda jemshóp alańdarynyń syıymdylyǵy 10 myńǵa deıin ósti. Aldaǵy bes jyldyń ishinde zákirlik sharýashylyqtarda 16 myń orynǵa arnalǵan 7 myńnan astam et fermasy qurylady. Sol sııaqty sútti mal sharýashylyǵynda 1000-nan astam iri qara malǵa 18 otbasylyq taýarly sut fermasy quryldy. Osy baǵytta jumystar jalǵasyn tabady», - dedi ol.
Osyǵan deıin Aqmola oblysynda bıznestiń jol kartasy boıynsha 15 myń jumys orny ashylatyny habarlandy.
