«Makınsk-Aqsý-Torǵaı» tas jolyn sý basty

KÓKShETAÝ. KAZINFORM – «Makınsk-Aqsý-Torǵaı» tas jolynyń 96-97 shaqyrymynda erigen qardyń sýy tasydy. 

«2024 jylǵy 30 naýryzda saǵat 15:30 shamasynda Aqmola oblysy «Makınsk-Aqsý-Torǵaı» tas jolynyń 96-97 shaqyrymynda erigen qardyń sýynyń saldarynan sý tasqyny tirkeldi. Sý basqan aýmaqtyń aýdany 90 metrdi quraıdy. Tasqyndy aldyn alý úshin 250 tonna ınertti materıal tóselip, 6 adam jáne 1 arnaıy tehnıka jumyldyryldy», - dep habarlady QazAvtoJol kompanııasy.

Aıta ketsek, budan buryn Aqmola oblysynda birqatar joldy sý basqanyn jazǵan edik.