Makınkadaǵy otbasyn izdegen Polshalyq azamatsha: Qazaqstanǵa barý - armanym
KÓKShETAÝ. QazAqparat - Qazaqstanda turatyn otbasyna izdeý salyp, ony tilshilerdiń kómegimen ony taýyp alǵan Polshanyń 90 jastaǵy turǵynyna qatysty oqıǵa «Habar 24» telearnasynyń Varshavada túsirilgen reportajynda jalǵasyn tapty. «QazAqparat» HAA tilshisi de bir-birin izdep tapqan otbasylardyń qazirgi ómiri týraly surap bildi.
Polsha azamatshasy Ýla Kotarba (Ula Kotarba) ótken ǵasyrdyń alǵashqy jartysynda Qazaqstanǵa jer aýdarylǵan. Onyń otbasyna Aqmola oblysy Makınka aýylynyń turǵyny Ýstınıa Mırınchýk kómektesken. Ol jer aýyp kelgen polıaktardy qamqorlyǵyna alyp, sońǵy nanymen bólisken. Soǵystan keıin Izabella Polshaǵa qaıta oraldy. Qos otbasy biraz ýaqyt habarlasyp, qal-jaǵdaı surasyp turǵan. Keıin baılanystary úzilgen.
Jýyrda Polsha azamatshasy Ýla Kotarba Kyzylorda-news.kz redaktsııasy arqyly Ýstınıa Mırınchýktyń otbasyna izdeý saldy. Sol kezde «QazAqparat» tilshisi Ýstınıanyń nemeresi Tatıana Mırınchýkti qazirgi kezde Reseıde turatynyn anyqtaǵan bolatyn. Belgili bolǵandaı Ýstınıanyń 9 nemeresi bar: Úlken ulynyń otbasy Rostov oblysynda. Kishi ulynyń otbasy Almaty oblysynda, ortanshy ulynyń otbasy Omby oblysy jáne Germanııada turady.
«Árıne, biz Tatıana ekeýimiz birneshe ret sóılestik. Men oǵan reportaj jiberdim, ol óte qatty eljiredi. Qazaqstanǵa sapar shegý - meniń basty armanym! Men Ýstınıanyń qabiriniń basynda bolyp arýaǵyna duǵa baǵyshtap, sizderdiń tamasha elderińizben tanysqym keledi. Ókinshike oraı, qazir bul múmkin emes. Anam meniń qolymda. Ol táýlik boıy bireýdiń kútimine muqtaj. Degenmen, keleshekte men bul armanymdy júzege asyramyn. Tatıanany izdep tabýǵa kómekteskenderińiz úshin jáne shaqyrýlaryńyzǵa úlken rahmet!», - dep jaýap qaıtardy «QazAqparat» HAA tilshisiniń hatyna Ýla Kotarba.
Onyń aıtýynsha, anasy Altsgeımer aýrýyna shaldyqqan jáne esinde Qazaqstanda turǵan mekenjaıy men bir shýmaq óleń joldary ǵana qalǵan.
«Anamyzdyń balalaryn tanymaı qalaýy árıne qıyn. Alaıda, anamyz óziniń estelikterin kitapqa jazyp qaldyrdy», - deıdi Ýla Kotarba.
«Biz birneshe ret skaıp arqyly sóılestik, Almatylyq tilshi onyń úıinde qonaqta boldy jáne onymen telekópir ótkizgim keledi. Degenmen, ýaqyttyń sáıkes kelmeýinen ony júzege asyrýdyń sáti kelmeı júr. Ázirge, WhatsApp jáne skaıp arqyly sóılesip júrmiz. Jazda Germanııaǵa barýdy josparlap otyrmyz. Eger múmkindik bolsa, Polshaǵa soǵamyz. Bul ázirge arman ǵana!», - dep QazAqparat tilshisimen bólisti Ýstınıanyń nemeresi Tatıana Mırınchýk.
Biz de óz tarapymyzdan Tatıana Mırınchýktiń armanyna qol jetkizýine tilektestik bildiremiz jáne oqıǵanyń odan ári órbýin habarlap otyramyz.
Avtor: Oksana Matasova
