Makgregordyń avtobýsty qıratýy: UFC tolyq vıdeony jarııalady
ASTANA. QazAqparat - UFC-diń YouTube jelisindegi arnasynda Konor Makgregordyń avtobýsqa jasaǵan shabýylynyń tolyq vıdeosy jarııalandy. Aralas jekpe-jektiń sheberi reseılik Habıb Nurmaǵamedovty dalaǵa shyǵaryp, eki komandanyń arasyndaǵy janjaldy sheshkisi keldi, dep habarlaıdy QazAqparat tilshisi.
Beınebaıanda Makgregordyń avtobýsty urǵylap júrgenin kórýge bolady. Eshteńe shyqpaǵannan keıin ol jaqyn turǵan arbany laqtyryp, avtobýstyń terezesin syndyrady. Sonyń saldarynan Maıkl Kıesa degen sportshy jaraqat aldy. Makgregor onymen qoımaı, temir qorshaýdy da laqtyrýǵa tyrysady. Biraq janynda júrgen adamdardyń bireýi ony ustap qalady.
Polıtsııa keledi degende Makgregordyń komandasy qashyp ketedi. Sol kezde avtobýstan Habıb Nurmaǵamedov shyǵady. «Bul jerge nege keldiń? Jaı jurttyń kózine kóriný úshin be? Bir habarlama jiber de, naqty kezdesetin jerdi belgile! Boldy» - deıdi H.Nurmaǵamedov.
Oqıǵa ornyna UFC basshysy Dana Ýaıt ta keldi.
Aıta keteıik, osy oqıǵadan keıin Makgregordy qamaýǵa aldy. Biraq ol 50 myń dollardy kepildikke tólep, bostandyqqa shyqty. Eki sportshynyń arasyndaǵy janjal Habıb Nurmaǵamedovtyń reseılik Artem Lobovty shapalaqpen urǵannan keıin bastaldy. Ol sportshy Makgregordyń komandasyna kiredi.
