Makgregor Nýrmagomedovpen jekpe-jekten 100 mln dollar tabýy múmkin
ASTANA. QazAqparat - Aralas jekpe-jektiń (MMA) ırlandııalyq sheberi Konor Makgregor jeńil salmaqtaǵy UFC chempıony reseılik Habıb Nýrmagomedovpen ótetin jekpe-jekten 100 mln dollar tabýy múmkin. Bul týraly beısenbi kúni TMZ portalyna bergen suhbatynda UFC Deına Ýaıt málim etti, dep habarlaıdy QazAqparat.
Makgregor Floıd Meıýezermen kezdesýdiń aldynda da 100 mln dollar paıda tabýdy josparlap jatqanyn aıtqan bolatyn. Ýaıt ırlandııalyq sportshynyń osy joly oıdaǵydaı paıdaǵa kenelýi múmkindigin aıtqan. «Árıne, alýy múmkin. Makgregordyń PPV (aqyly kórsetilim) kórsetkishterine qarańyzdarshy, eń joǵary kórsetkishterdiń biri - soniki», - deıdi Ýaıt.
Eske sala keteıik, 2017 jylǵy 27 tamyzda Las-Vegasta Meıýezerge qarsy boks erejeleri boıynsha ótken kezdesýde ırlandııalyq sportshy 10-raýndta tehnıkalyq nokaýtpen jeńilip, 85 mln dollar enshilegen bolatyn. Al Meıýezer 275 mln dollarǵa baıyǵan. Showtime-nyń aqparatyna qaraǵanda, jekpe-jek pay-per-view júıesi arqyly 4,3 mln ret qaralǵan, bul tarıhtaǵy ekinshi kórsetkish.
UFC prezıdentiniń joramalynsha, Makgregor - Nýrmagomedov kezdesýin aqyly kórsetilim júıesinde tamashalaıtyn jankúıerler sany 2,6-3 mln aralyǵynda bolady.
