Makgregor Meıvezerge óziniń erejesi boıynsha aıqasýdy usyndy
ASTANA. QazAqparat - UFC sheberi Konor Makgregor tanymal boksshyny ózi úırengen segizburyshty alań - «Oktagonda» aıqasýǵa shaqyryp jatyr.
Tamyz aıynda ırlandııalyq sportshy kishi Floıd Meıvezerge qarsy boks erejeleri boıynsha rıngke shyǵyp, merziminen buryn jeńilip qalǵan bolatyn. Endi ol Floıdtan aralas jekpe-jek erejeleri boıynsha kek qaıtarýǵa nıetti. Eger bul aıqasty uıymdastyrýdyń sáti túspese, segizburyshta Pol Malınıadjımen judyryqtaspaq.
«Meıvezer o basta kelesi jekpe-jekti MMA-da ótkizý týraly aıtqan. Bul - onyń aıqas aldyndaǵy sózi. Men osy eki anturǵannyń birin osynda súırep ákelemin. Men olardyń álemine kirdim. Men mıllıondaǵan kórermenge tamasha shoý jasap berdim, al olar batyldyq týraly áńgime aıtady. Olardyń biri meniń álemime kirip kórsin... Malınıadjı nemese Floıd MMA-da menimen kezdessin. Biz onyń o bastaǵy sózi boıynsha boksta revansh ótkizýimiz múmkin edi. MMA - kelesi jol. Mende túrli usynystar bar», - deıdi Makgregor.
