Makgregor men Nýrmagomedovtyń aıqasyn qashan jáne qaıdan kórýge bolady
ASTANA. QazAqparat - Erteń aralas jekpe-jektiń (MMA) tarıhyndaǵy eń aıtýly aıqastardyń biri ótedi.
Álemdik MMA jankúıerleri ırlandııalyq Konor Makgregor men reseılik Habıb Nýrmagomedovtyń kópten kútken kezdesýine kýá bolmaq. Osy rette QazAqparat tilshisi atalmysh aıqasty qazaqstandyqtar qashan jáne qaıdan tamashalaı alatyndaryn kórermenniń esine taǵy bir salýdy jón kórip otyr.
MMA sportynyń álemdik alpaýyttary - 7 qazan kúni AQSh-tyń Las-Vegas qalasynda baq synasady. Qazaqstandyqtar aıtýly aıqasty «QAZSPORT» telearnasynan kóre alady. Translıatsııa ýaqyty - Astana ýaqyty boıynsha 07:50 kezine kelip otyr.
Habıb Nýrmagomedov UFC-diń qazirgi chempıony. Salmaq dárejelerinen táýelsiz úzdik MMA sheberleriniń ishinde segizinshi orynda. Qap taýynyń qabylany osyǵan deıin 26 kezdesý ótkizip, bárin de jeńispen aıaqtaǵan. Sońǵy aıqasynda osy jyldyń 7 sáýirinde amerıkalyq El ıAkvıntamen kezdesip, tóreshilerdiń biraýyzdan sheshimimen jeńiske jetken bolatyn.
Al ırlandııalyq Konor Makgregor jeńil jáne ortasha jeńil salmaqta 2015-2018 jyldar aralyǵynda UFC chempıony bolǵan sportshy. 30 jastaǵy Irlandııanyń jolbarysy 24 kezdesýiniń 21-de jeńiske jetken. Sporttyq mansabynyń aldyndaǵy eki kezdesýinde jeńistiń aşy dámin tatqan. Úshinshisinde amerıkalyq Neıt Dıastan 2016 jyly jeńilip qalǵan.
