Makgregor Golovkınniń sońǵy aıqasyndaǵy tóreshiniń kúıeýine shúılikti

ASTANA. QazAqparat - Eki salmaq boıynsha UFC chempıony Konor Makgregor Floıd Meıvezermen bolǵan kezdesýinde referı bolǵan Robert Berdke shúılikti, dep habarlaıdy «QazAqparat» HAA tilshisi sports.ru portalyna silteme jasap.

Makgregor Gennadıı Golovkın men Saýl Alvarestiń aıqasynda dál osy Roberttiń zaıyby Adelaıda Berd tóreshilerdiń biri bolǵanyn eske saldy.

«Robert Berd - Adelaıda Berdtyń kúıeýi. Osymen-aq bári aıtylyp tur. Biz sharshy alańǵa (Floıd Meıvezermen - avt.) shyqqan kezde referı erejelerdi túsindire bastaǵan. Bir qyzyǵy, Berd tek maǵan qarap aıtaryn aıtyp turdy. Men onyń kózqarasynan tek maǵan kóz salyp turǵanyn, Floıdqa múlde qaramaǵanyn baıqadym. Men oǵan: «Aǵasy-aý, ol da tóbelesedi. Oǵan da erejelerdi túsindirip qoısańshy» degim keldi», - deıdi UFC chempıony.

Makgregordyń aıtýynsha, eki qarsylas klınchke kelip, bir-birimen jaqyn qalǵanda referı Floıdty sýyryp alyp shyqqanyn qoımaǵan.

«Menińshe, aıqas erterek aıaqtalyp ketti. Eger oǵan deıin birde-bir nokdaýn bolmasa, kezdesýdi ýaqytynan buryn qalaı aıaqtaýǵa bolady? Budan bir raýnd buryn ǵana men Floıdty búıirden uryp, qulata jazdaǵan edim», - deıdi ol.

UFC chempıony sonymen birge, Golovkın men Alvarestiń aıqasyn da aınalyp ótpepti.

«Qazir oılanyp otyrsam, referıdiń áreketi maǵan birtúrli kórinedi. Ásirese, Adelaıda Berdtiń Golovkın men Alvarestiń aıqasy boıynsha oqıǵasy meni oılandyra túsedi. Robert pen Adelaıda - erli-zaıypty adamdar. Men aıqasty qaıta kórgen kezimde kúdigim kúsheıe tústi. Ol nege nusqaýdy Meıvezerge qarap túsindirmedi. Maǵan nege shúılikti? Áý bastan-aq maǵan degen qarsylyq bar edi», - deıdi Makgregor.