Makedonııalyq oqýshy Almatyny tanymal eýropalyq shıpajaıǵa teńedi (FOTO)
ASTANA. QazAqparat - Makedonııadan kelgen mektep oqýshysy Klıment Serafımov ınformatıka páninen ótken Halyqaralyq olımpıada (IOI-2015) barlyq qatysýshylardyń jadynda máńgilik qalady dep esepteıdi.
«Búgin búkil tobymyzben Medeýge bardyq. Ol jerden taýlar qalaı tamasha kórinedi. Sizder onymen maqtana alasyzdar. Ózimizdi eýropalyq shıpajaıda bolǵanymyzdaı sezindik. Baǵdarlama qyzyqty, uıymdastyrýshylarǵa az ýaqyttyń ishinde qanshama ádemi jerlerge baryp júrgenimiz úshin alǵysymdy bildirgim keledi. Olımpıadanyń máńgilik esimizde qalatynyna senimdimin», - dedi oqýshy.
«Bizge barlyq jaǵynan kómek berip júrgen eriktiler tobyndaǵy qazaqstandyq qyz-jigitterge úlken alǵysymdy bildirgim keledi. Olar bizge bas-kóz bolyp qana qoımaı, qamqorlyǵyn da tanytyp júr. Budan bólek, olar qatty tolqyǵan kezimizde qoldaý kórsetip, ázildep, kóńilimizdi kóterýge tyrysady. Bul óte qýantady», - dedi K.Serafımov.
Osy kúnderi Almatyda ınformatıkadan XXVII Halyqaralyq olımpıada ótip jatyr. Oǵan álemniń 83 elinen kelgen 324 oqýshy qatysýda.
Búgin qatysýshylar birinshi ekskýrsııaǵa shyqty:balalar «Medeý» sport kesheni, Shymbulaq taý-shańǵy kesheni jáne Qazaq memlekettik tsırkine bardy.
