Makedonııadaǵy jer silkinisinen 100-ge jýyq adam zardap shekti
ASTANA. QazAqparat - Jeksenbi kúni bolǵan jer silkinisi saldarynan jaraqat alǵan 100-ge jýyq adam Makedonııanyń astanasy Skope qalasyndaǵy aýrýhanaǵa júgingen.
Aýrýhanaǵa negizinen zilzala kezinde úılerinen qashyp shyqqan sátte jeńil-jelpi jaraqat alǵandar kelgen
Zilzalanyń alǵashqy tolqyny Skopede tańerteńgilik jergilikti ýaqytpen 6.58 jáne 6.59-a oryn alǵan.
Al 15.10-da Skopeden jeti shaqyrym qashyqtyqta 10 shaqyrym tereńdikte eń kúshti, magnıtýdasy 5,3 dúmpý tirkelgen.
Bul jer silkinisi telefon baılanysyna kedergi keltirip, qalanyń birqatar aýdandarynda elektr júıelerin isten shyǵardy, dep habarlaıdy RIA Novostı.
Ázirge keltirilgen materıaldyq shyǵynnyń kólemi habarlanbaı otyr
