Makedonııada prezıdenttik saılaý ótip jatyr

Bul eldiń 1991 jyly táýelsizdigin alǵannan bergi óz erkimen besinshi márte prezıdentterin tańdaýy. Makedonııada shamamen 1,8 mln.adamnyń daýys berý quqy bar. Búkil el aýmaǵyndaǵy 3 528 saılaý ýchaskesi jergilikti ýaqyt boıynsha 07:00-de ashylyp, keshki 19:00-ge deıin jumys isteıtin bolady.

Prezıdenttik laýazymǵa tórt úmitker bar. Qoǵamdyq pikirge júrgizilgen saýalnama nátıjelerine qaraǵanda, eldiń qazirgi prezıdenti 53 jastaǵy Gıorg Ivanovtyń jeńiske jetý múmkinshiligi basym. Al onyń basty saıası qarsylasy -oppozıtsııalyq sotsıal-demokrattar partııasynyń ókili 51 jastaǵy Shtevo Pendarovskıı.

Eger birde bir úmitker búgingi daýys berýdiń nátıjesinde túbegeıli basymdyqqa ıe bola almasa, onda eki aptadan keıin barynsha mol daýys jınaǵan eki básekelestiń arasynda kelesi kezeń ótkiziledi.