Makedonııada Qazaqstan ádebıeti men mádenıeti ortalyǵy ashyldy
ASTANA. QazAqparat - Makedonııa astanasy Skopedegi «Qasıetti Klıment Ohrıdskıı» Ulttyq ýnıversıtettik kitaphanasynda Qazaqstan ádebıeti men mádenıeti ortalyǵy ashyldy, dep habarlaıdy «QazAqparat» HAA Qazaqstannyń Majarstandaǵy elshiligine silteme jasap.
Ortalyqtyń ashylý rásimi 19 jeltoqsan kúni ótti.
«Osy kitaphananyń qoryna Qazaqstan Ulttyq akademııalyq kitaphanasy qazaq, orys jáne aǵylshyn tilderinde jazylǵan 100-den astam kórkem, ǵylymı-pýblıtsıstıkalyq, t.b. kitap berdi», - delingen habarlamada.
Ortalyq Qazaqstannyń ádebı murasyn nasıhattaýǵa, halyqaralyq mádenı baılanystardy damytýǵa septigin tıgizedi. Sharada Qazaqstan Ulttyq akademııalyq kitaphanasy men «Qasıetti Klıment Ohrıdskıı» Ulttyq ýnıversıtettik kitaphanasynyń arasynda ózara túsinistik jáne yntymaqtastyq memorandýmyna qol qoıyldy.
Sharany Qazaqstan Ulttyq akademııalyq kitaphanasy Qazaqstannyń Majarstandaǵy elshiliginiń qoldaýymen Memleket basshysynyń «Bolashaqqa baǵdar: rýhanı jańǵyrý» baǵdalamalyq maqalasynda usynylǵan «Jahandaǵy zamanaýı qazaqstandyq mádenıet» jobasyna sáıkes uıymdastyrdy.
Qazirgi kezde osyndaı ortalyqtar Qytaı, Reseı, Túrkııa, Majarstan, Fınlıandııa, Ońtústik Koreıa, Malaızııa, Shvetsııa, Frantsııa, Japonııa, Bolgarııa, Chehııa jáne TMD elderiniń ulttyq kitaphanalarynda ashylǵan
