Makedonııada eldiń atyn ózgertý úshin referendým ótip jatyr
ASTANA. QazAqparat - Makedonııada eldiń atyn ózgertý týraly referendýmda daýys berý bastaldy, dep habarlaıdy QazAqparat TASS-qa silteme jasap.
Makedonııa Respýblıkasynyń atyn ózgertý týraly Grekııamen jasalǵan úkimetaralyq kelisim boıynsha, referendýmda daýys berý búkil el boıynsha jeksenbi kúni bastaldy. Daýys berý ýchaskeleri jergilikti ýaqyt boıynsha saǵat 07:00-de ashylyp, 19:00-ge deıin jumys isteıdi.
Respýblıkadaǵy 2 mln adamnyń 1,8 mıllıony daýys berý quqyǵyna ıe. Referendýmnyń qorytyndy nátıjesi daýys berý aıaqtalǵannan keıin 24 saǵattyń ishinde belgili bolady.
Bul referendým Grekııanyń soltústigindegi oblyspen attas burynǵy ıýgoslavııalyq respýblıkanyń aty boıynsha Afıny men Skope arasyndaǵy 27 jyldyq daýdy retteý úshin shaqyryldy.
Makedonııa men Grekııa SІM basshylary 17 maýsymda eki eldiń shekarasynda ornalasqan Prespa ózeniniń jaǵasynda kezdesip, burynǵy ıýgoslavııalyq memlekettiń atyn ózgertý týraly kelisimge qol qoıdy. Oǵan sáıkes, «Soltústik Makedonııa Respýblıkasy» ataýy qoldanylmaq.
