Makedonııa SІM basshysy 2017 jyly Qazaqstanǵa keledi
ASTANA. QazAqparat - 2016 jyldyń 30 qyrkúıeginde Skope qalasynda (Makedonııa Respýblıkasy) Qazaqstan Respýblıkasynyń Makedonııa Respýblıkasy Elshisi qyzmetin qosa atqarýshy Nurbaq Rústemov MR Syrtqy ister mınıstri Nıkolo Poposkımen kezdesti, dep habarlaıdy QR SІM baspasóz qyzmeti.
Taraptar saıası, saýda-ekonomıkalyq jáne mádenı-gýmanıtarlyq salalardaǵy eki jaqty qarym qatynasty damytýdyń jaǵdaıy men bolashaǵyn talqylady. Sonyń ishinde 2017 jyly N. Poposkıdiń Qazaqstanǵa saparyn uıymdastyrý múmkindigi, sapar barysynda birqatar ekijaqty kelisimderge qol qoıý jáne bıznes forým ótkizý usynyldy.
Kezdesý barysynda eki el arasyndaǵy vızalyq rejimdi jeńildetý, týrızmdi damytý jáne eki eldiń JOO-lary yntymaqtastyǵyn jolǵa qoıý máseleleri talqylandy. Sonymen qatar, taraptar halyqaralyq uıymdar aıasynda eki eldiń ózara qoldaý jaıyn atap ótti.
