Makedonııa: Kýmanovo qalasyna shabýyldaǵan sodyrlardy kosovalyqtar basqarǵan
ASTANA. QazAqparat - Makedonııa bıligi keshe eldiń shekarasyna jaqyn ornalasqan Kýmanovo qalasynda polıtseılerdi atyp ketken sodyrlardyń basshylyǵynda 5 kosovalyqtyń bolǵanyn málimdedi, dep jazady Bı-bı-sı.
Olar buryn Kosova ólkesin azat etý armııasynyń quramynda bolǵan kórinedi.
Atys saldarynan 8 polıtseı ajal qushyp, 37-si jaralandy.
Qarýly top kórshi eldiń terrıtorııasynan basyp kirgen, - deıdi bılik ókilderi naqty qaı el ekenin aıtpaı. Olardyń maqsaty memlekettik mekemelerge shabýyl jasaý bolǵan.
Qazirgi sátte elde eki táýlikke qaraly kún jarııalandy.
